Bugun,

  • USD 11095.31
  • RUB 173.84
  • EUR 10772.44

Janubiy Koreyada faoliyat yurituvchi o‘qituvchilar ko‘ngilli ravishda O‘zbekistondagi kasb-hunar markazlarida yoshlarga kasb-hunar sirlarini o‘rgatadi. Bu haqda “Daryo”ga Bandlik va mehnat munosabatlari vazirligi axborot xizmati rahbari Mavjuda Mirzayeva xabar berdi.

Foto: Bandlik va mehnat munosabatlari vazirligi

Foto: Bandlik va mehnat munosabatlari vazirligi

Vazirlik axborot xizmatining ma’lumot berishicha, vazir Nozim Husanovning Janubiy Koreyaga tashrifi paytida bu haqda kelishuvga erishilgan.

Foto: Bandlik va mehnat munosabatlari vazirligi

Foto: Bandlik va mehnat munosabatlari vazirligi
Bandlik va mehnat munosabatlari vaziri Nozim Husanov hamda Koreya xalqaro hamkorlik agentligi rahbariyati o‘rtasidagi uchrashuvda bu haqda so‘z bordi. Kelishuvga ko‘ra, hamkorlik asosida O‘zbekistondagi KOICA loyihalari rivojlantiriladi. Koreyadan ko‘ngilli o‘qituvchilarni mamlakatimizdagi kasb-hunarga o‘qitish muassasalariga jalb qilish, bilimni baholash markazlarini tashkil etish masalalari yuzasidan kelishuvga erishildi, — deydi Mavjuda Mirzayeva.
Vazirlik mas’ulining qo‘shimcha qilishicha, Bandlik va mehnat munosabatlari vazirligi hamda Janubiy Koreya xalqaro hamkorlik agentligi 2012-yildan beri o‘zaro hamkorlik qilib kelmoqda.
Ayni paytda respublikamizdagi to‘rtta KOICA kasb-hunarga o‘qitish markazida elektronika, axborot texnologiyalari, avtomobilsozlik, tikuvchilik, sartaroshlik-kosmetologiya kabi talab yuqori kasblar o‘qitilmoqda. Aynan bu markazlarga koreyalik o‘qituvchilarni jalb qilish orqali yoshlarimizni yana-da kuchli mutaxassis qilib tayyorlash va xorij tajribasini ham o‘rgatish maqsad qilingan, — deydi Mavjuda Mirzayeva.
Shuningdek, vazir Janubiy Koreyaga tashrifi chog‘ida Ulsan shahrida Hyundai Heavy Industries kemasozlik kompaniyasi prezidenti LI Sang Kyun bilan ham muzokara o‘tkazgan.

Foto: Bandlik va mehnat munosabatlari vazirligi

Foto: Bandlik va mehnat munosabatlari vazirligi
Uchrashuvda ushbu kompaniyaga O‘zbekiston fuqarolarini qo‘shimcha ravishda ishga jalb qilish, mehnat migratsiyasi sohasida hamkorlikni kengaytirish masalalari muhokama qilindi. Hyundai Heavy Industries kompaniyasi 1972-yil mart oyida Ulsan shahrida tashkil etilgan bo‘lib, dunyodagi eng yirik kemasozlik kompaniyasi hisoblanadi. 2014-yilda ushbu kompaniya tomonidan dunyodagi eng katta MV SSSL Globe nomli konteyner kemasi qurilgan. Ayni paytda Hyundai Heavy Industries’da 27 mingga yaqin xodim mehnat faoliyatini amalga oshirib kelmoqda, shundan 200 nafarga yaqini O‘zbekiston fuqarolari hisoblanadi, — deydi vazirlik mas’uli.

Izoh
Asosiy yangiliklar
Mahalliy
Ota bolasini, aka ukasini tanimaydi, chang-to‘zon, terlab-pishib har kim uloqni taqimiga bosish qayg‘usida” — Piskentdagi koʻpkaridan fotoreportaj
Mahalliy
O‘rta Chirchiqda 400 nafar o‘quvchi maktab binosi olib qo‘yilgani sabab darsga borolmayotgani xabar berildi. Zoir Mirzayev holatga eʼtibor qaratdi
Mahalliy
Turkiyadagi dahshatli zilzilada 3 419 kishi halok boʻldi — voqea tafsilotlari (video)