Bugun,

  • USD 11095.31
  • RUB 173.84
  • EUR 10772.44

AQSH Markaziy razvedka boshqarmasi va Milliy xavfsizlik agentligi Edvard Snouden qasamyod qilib, Rossiya pasportini qabul qilib oldi. Bu haqda uning advokati Anatoliy Kucherena ma’lum qildi.

Edvard Snouden

Edvard Snouden
Foto: Global Look Press

Snoudenning rafiqasi esa ayni paytda pasport uchun ariza berish bosqichida, dedi advokat.

Rossiya prezidenti Vladimir Putin amerikalik Edvard Snoudenga Rossiya fuqaroligini taqdim etish haqidagi farmonni 26-sentabrda imzolagan edi.

Prezident vakili Dmitriy Peskov bu Snoudenning o‘z iltimosi bilan amalga oshirilganini, u 2020-yil noyabridayoq fuqarolik olish uchun ariza berganini aytgandi.

AQSH Davlat departamenti vakili Ned Prays Vashingtonning Snoudenga nisbatan pozitsiyasi o‘zgarishsiz qolganini aytib, endi u qisman safarbarlik doirasida Ukrainadagi jangovar harakatlarda qatnashishga jalb etilishi mumkinligini qayd etgandi.

Biroq uning advokati Snouden Rossiya armiyasida xizmat qilmagani, harbiy xizmat bo‘yicha amaliyot va tajribaga ega bo‘lmagani sababli, u safarbarlikka jalb etilmasligini ma’lum qilgandi.

Snouden Amerika Markaziy razvedka  boshqarmasi va Milliy xavfsizlik agentligi sobiq xodimi bo‘lib, 2013-yilda AQSH maxsus xizmatlarining fuqarolarni kuzatish usullarini fosh qilgan va dunyo yetakchilari telefonlari tinglanishi haqida aytib bergan edi. AQSHda u josuslikda va davlat mulkini o‘g‘irlaganlikda ayblanmoqda. U maxfiy ma’lumotlarni fosh qilgani uchun 30 yilga qamalishi mumkin.

Snouden dastlab Gonkongga, so‘ng Rossiyaga qochgan. “Sheremetyevo” aeroportining tranzit zonasida bir oydan ko‘p vaqt yashagan. So‘ng Snoudenga Rossiyada vaqtinchalik boshpana taqdim etilgan. 2020-yilda u ushbu mamlakatda muddatsiz yashash uchun ruxsatnomaga ega bo‘ldi va Rossiya fuqaroligini olish uchun ariza berdi.

Izoh
Asosiy yangiliklar
Mahalliy
Turkmaniston gaz yetkazib bermagani uchun O‘zbekiston kompensatsiya talab qilgani rad etildi
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Dunyo
Turkiya va Suriyadagi zilzila nega halokatli oqibatlarga olib keldi?