Shokolad mazasiga ega asalli tort retsepti

Smetana va shokolad qo‘shib tayyorlanadigan asalli tort yumshoq va mazali ta’mga ega bo‘ladi. Shirinlikka o‘zingizga yoqqan shokoladni qo‘shishingiz mumkin.

Kerakli masalliqlar:

• sariyog‘ — 100 g
• asal — 100 g
• iste’mol sodasi — 1 choy qoshiq
• tuxum — 2 ta
• shakar — 150 g
• un — 500 g
• kakao kukuni —3 osh qoshiq
• yog‘li smetana — 750 g
• shakar kukuni — 180 g

1. Sariyog‘ni asal bilan aralashtirib, idishga soling va suv ichiga qo‘ying. Massa silliq bo‘lguncha vaqti-vaqti bilan aralashtirib, isiting.
2. Unga iste’mol sodasini qo‘shib yaxshilab aralashtiring. Aralashma ko‘pira boshlaganda idishni suvdan oling. Siropni ozgina soviting.
3. Tuxumni shakar bilan mikserda yengil va yumshoq bo‘lguncha aralashtiring. Asalni soling, yana ko‘pirtiring.
4. Unni elakdan o‘tkazing va kakao bilan aralashtiring. Sekin-asta tuxum massasiga qo‘shing va yumshoq, ozgina yopishqoq xamir holatiga keltiring.
5. Pechni 180 daraja haroratda oldindan qizdiring. Xamirni 6-8 ta teng bo‘laklarga bo‘ling.
6. Har bir xamir bo‘lagini 1-2 mm qalinlikda yupqa qilib yoying, pishirish varag‘iga soling va vilkalar bilan teshing.
7. Xamir bo‘laklarini oldindan qizdirilgan pechda 5-7 daqiqa davomida navbat bilan pishiring. Bir tekis doiralar hosil qilish uchun xamir qirralarni kesib oling. Ushoqlarni maydalab oling.
8. Smetanani shakar kukuni bilan silliq bo‘lgunga qadar mikser yordamida aralashtiring.
9. Xamirning ustiga krem ​​surting va boshqa bo‘laklarni ham shu tarzda bir-birining ustiga qo‘ying. Tortning yuqori va yon tomonlariga qaymoq surtib oling, ushoqlarni seping. Shirinlikni muzlatkichga 5-6 soatga qo‘ying.

Mavzuga doir: