Qo‘y go‘shti qo‘shib tayyorlanadigan sho‘rva zira, kashnich, zanjabil va dolchinning yorqin ta’mi va xushbo‘yligi bilan sizni o‘ziga rom etadi. Unga o‘zingizga yoqqan ko‘katlarni ham qo‘shishingiz mumkin.
Kerakli masalliqlar:
- qo‘y go‘shti — 600-700 g
- pomidor sharbati — 400 g
- sabzi — 2 dona
- selderey — ta’bga ko‘ra
- piyoz — 1 dona
- sarimsoq — 2 donacha
- o‘simlik yog‘i — 2 qoshiq
- maydalangan zira — 2 qoshiq
- maydalangan kashnich — 2 qoshiq
- maydalangan zanjabil — yarim qoshiq
- maydalangan dolchin — yarim qoshiq
- suv — 2 l
- yashil yasmiq — 100 g
- tuz — ta’bga ko‘ra
- Go‘shtni o‘rtacha, pomidor, sabzi va seldereyni kichikroq bo‘laklarga, piyoz va sarimsoqni mayda qilib to‘g‘rab oling.
- O‘simlik yog‘ini idishga solib o‘rtacha olovda qizdiring. Qo‘y go‘shtini qizarguncha qovuring. Unga piyoz, sabzi, selderey va sarimsoq qo‘shib yana 3-4 daqiqa davomida qovurib oling.
- Masalliqlarga maydalangan zira, kashnich, zanjabil va dolchin bilan seping va yana 1 daqiqa olovda qoldiring.
- Hamma mahsulotlarning ustiga issiq suv quying, pomidor va uning sharbatini ham qo‘shing. Taomni past olovda 1 soat davomida qopqoq ostida pishiring.
- Unga yuvilgan yasmiq, tuz qo‘shing va yana 30-40 daqiqa davomida pishiring.
Mavzuga doir:
- 30 daqiqa kifoya: olma, shokolad hamda murabbo qo‘shib tayyorlanadigan mazali pirog retsepti.
- Banan, pechenye va quyultirilgan sutli krem qo‘shib mazali trayfl shirinligini tayyorlaymiz
- Butun dunyoda ommalashayotgan Janubiy Koreya deserti — Bento tortini tayyorlaymiz
- Tvorogli mazali ekler shirinligini tayyorlaymiz
Izoh (0)