Rossiya Turkiyani Suriya va Iroqqa zarba berishdan tiyilishga chaqirdi
Rossiya Turkiyani Suriya va Iroqqa qilingan hujumlardan keyin vazminlikka chaqirdi. Bu haqda Rossiya prezidentining Suriya bo‘yicha maxsus vakili Aleksandr Lavrentyevga tayanib, “RIA Novosti” xabar berdi.
Siyosatchining so‘zlariga ko‘ra, berilgan aviazarbalar ortidan keskinlikning kuchayishiga yo‘l qo‘yib bo‘lmaydi.
“Turkiyalik hamkasblarimizni Suriyaning nafaqat shimoliy va shimoli-sharqiy hududlarida, balki butun hududda keskinlik kuchayishiga yo‘l qo‘ymaslik uchun vazminlik ko‘rsatishga chaqiramiz”, — dedi Lavrentyev.
U bu borada barcha manfaatdor tomonlar bilan ishlash davom ettirilishi va “kurd masalasi”ni tinch yo‘l bilan hal qilishga harakat qilish kerakligini bildirdi. Lavrentyev Turkiya Suriya va Iroqdagi havo operatsiyasi haqida Rossiyani oldindan xabardor qilmagani, bu masala Suriya bo‘yicha Ostonadagi uchrashuvda muhokama qilinishini ta’kidladi.
“Biz turkiyalik hamkorlarimizni Suriya hududida haddan tashqari kuch ishlatmaslikka ishontirishga umid qilamiz”, — dedi Rossiya prezidentining maxsus vakili.
U Turkiyaning Suriya va Iroqqa zarbalari 13-noyabr kuni Istanbulda sodir etilgan terakt sabab bo‘lganini aytdi. Hujumda gumonlanuvchi qo‘lga olindi, u Turkiyada taqiqlangan Kurdiston Ishchilar partiyasi bilan aloqasi borligini tan oldi.
Mavzuga doir:
- Turkiya Suriya va Iroqdagi operatsiyalar doirasida 184 kishi o‘ldirilganini ma’lum qildi
- Turkiya Suriyada quruqlik operatsiyalarini boshlashi mumkin
- Turkiya Iroq va Suriyadagi kurdlarga qarshi operatsiyada 89 ta nishonni urganini ma’lum qildi (video)
- Turkiyadagi shaharga Suriyadan raketalar kelib tushdi. Qurbonlar bor
