Samarqand viloyatining Kattaqo‘rg‘on tumanida itni shafqatsizlarcha urib o‘ldirgan Xitoy fuqarosi jarimaga tortildi.
Viloyat IIB matbuot xizmatining xabar qilishicha, ijtimoiy tarmoqda bog‘liq holatdagi itni temir bo‘lagi bilan urib o‘ldirib hayvonlarga shafqatsiz munosabatda bo‘lgan shaxs videosi tarqaldi. Ushbu shaxsni aniqlash bo‘yicha olib borilgan tezkor surishtiruv ishlari natijasida ushbu holatni sodir etgan erkak Xitoy fuqarosi Hao Sihua ekani aniqlangan.
Unga nisbatan Ma’muriy javobgarlik to‘g‘risidagi kodeksning 111-moddasi 1-qismi (hayvonlarga nisbatan shafqatsiz munosabatda bo‘lish) bilan ma’muriy bayonnoma rasmiylashtirilib, ushbu modda bilan BHMning uch barobari miqdorida (900 ming so‘m) jarima jazosi tayinlangan.
Qo‘shma korxonaning qolgan ishchilari va rahbarlari bilan qayta shu turdagi huquqbuzarlikni sodir etmasligi yuzasidan tarjimon xizmatidan foydalanib profilaktik ishlar olib borilgan.
Shu yilning yozida Jizzaxdagi zavodda kuchuk bolasi tiriklayin kuydirgan Xitoy fuqarosiga chora ko‘rilgandi.
Mavzuga doir:
Izoh (1)
"O'ldiribsilar" 900 ming so'm ham jarima bo'ladimi hayvonni o'ldirgani uchun, qonunni shu joylarini ham o'zgartirish kerak deb hisoblayman!