Nihoyat Honor 70 smartfonini O‘zbekistonda xarid qilish mumkin. Ushbu flagman qanday imkoniyatlarga ega va uning narxi qancha? “Daryo” testi

“Daryo” Honor 70 smartfonini sinovdan o‘tkazdi. Ushbu smartfonning ekranining afzalliklari, unumdorligi, akkumulyator sig‘imi, kamerasi, narxlari haqida batafsil ma’lumot.

Muhtasham va zamonaviy dizayn

Honor kompaniyasining smartfonlari doimo nafis dizayni hamda ilg‘or texnologiyalarning mukammal uyg‘unligi bilan ajralib turgan va yangi Honor 70 ham bundan mustasno emas.

E’tiborni tortuvchi, birinchi jihati — bu mazkur smartfonning tashqi ko‘rinishi sanaladi. Qimmatbaho zargarlik buyumlaridan ilhomlangan premium dizayn, uni har qanday obraz uchun zamonaviy aksessuarga aylantirdi.

Simmetrik sharshara ekranli va tomonlari bukilgan korpusning og‘irligi atigi 178 grammni tashkil etadi, ya’ni uni kichik sumkachalarga va cho‘ntakka osongina joylash mumkin.

Smartfonning orqa tomoni ikkita halqa ko‘rinishidagi kamera bilan bezatilgan. Bitta halqa asosiy kamera va boke effektiga ega suratlar olish uchun obyektivni, boshqasi esa ultra keng burchakli kamerani qurshab turadi.

6,67 dyumli OLED-ekran

HONOR 70 6,67 dyuymli OLED displeyga, 1,51 mm yupqa hoshiyalarga ega bo‘ldi, bu esa ekranning korpusga 93,27 foiz nisbatini ta’minlaydi. Filmlar, futbol o‘yinlari yoki shunchaki fotosuratlarni tomosha qilishda qulaylik kafolatlanadi.

Ekran quyidagilarni qo‘llab-quvvatlaydi:

•  2400x1080 pikselli o‘lcham;
•  1,07 milliard tasvirlanuvchi ranglar;
•  100 foiz DCI-P3 rang qamrovi;
•  HDR10+;
•  120 Gts yangilanish chastotasi.

Professional darajadagi fotosuratlar

Honor 70 o‘zining beqiyos foto va video tasvirga olish imkoniyatlari bilan ajralib turadi. Uning HONOR Image Engine texnologiyasi bilan kuchli ikki nafar kamerasi quyidagilardan iborat:

•  IMX800 ultra sezgir sensorli 54 MP li asosiy kamera;
•  Makro tasvirga olish funksiyali 50 MP li ultra keng burchakli obyektiv;
•  Boke samarasi bilan suratga olish uchun 2 MP li obyektiv;
•  32 MP li old kamera.

F/1,9 diafragmali 54 Mp li asosiy kamera 1/1,49 dyuymli IMX800 sensorga ega bo‘lib, u tufayli obyektiv yanada ko‘proq yorug‘likni tutib oladi va suratlarga aniqlik hamda yorqinlik baxsh etadi.

F/2.2 diafragma bilan 50MP li o‘ta keng burchakli obyektiv keng ko‘rish burchagini ta’minlaydi, bu masalan, peyzaj yoki interyerni tasvirga olish uchun nihoyatda mos. Ushbu modul avtofokus bilan birgalikda 2,5 sm belgilangan fokus masofadan foydalanadi, bu esa obyektlarni yirik rejada suratga olish va diqqatni mayda tafsilotlarga qaratish imkonini beradi.

32 Mp li old kamera ifodali va yorqin selfi-tasvirlarni olish imkonini taqdim etadi.

Honor Image Engine texnologiyasiga kelsak, u tasvirlarni yanada yorqinroq va sifatliroq qilish imkonini beradi. Ushbu texnologiya sun’iy intellektdan foydalangan holda bir vaqtning o‘zida bir nechta kamera modullaridan ma’lumotlarni to‘playdi va tahlil qiladi. Natijada olingan fotosuratlar va videotasvirlarning ravshanligi hamda aniqligi sezilarli darajada yaxshilanadi. Bu, o‘z navbatida, yorug‘lik yetarli bo‘lmagan sharoitda ham professional darajada suratga olish imkonini beradi.

Bularning barchasi tasvirning teranligi va ravshanligini aks ettirishga, shuningdek, suratni ekranda maksimal darajada haqqoniydek tasvirlash imkonini beradi.

Noyob videotasvirga olish rejimlari

Honor 70 bir soniyada 30 kadr tezlikda 4K video tasvirga olish imkoniyatini ta’minlaydi, bu esa yuqori sifatli videoroliklar yaratishga yo‘l ochadi. Ammo bu hali hammasi emas: smartfon bir nechta noyob rejimlarga ham ega bo‘ldi, ular sizga bir oz ijodkorlik qo‘shgan holda kontentingizni boyitishga imkon beradi:

• Smart video-fokus rejimi

Ushbu rejim bir vaqtning o‘zida ekranda ikkita videoni ko‘rsatishga imkon beradi: umumiy reja va tanlangan tasvir obyekti bilan video. Shaxsni tanib olish texnologiyasi va real vaqtda obyektni kuzatish texnologiyasi bilan aqlli kuzatuv avtofokusi obyektni eslab qoladi va obyekt kadr ichida qayta paydo bo‘lganda reaksiyaga kirishadi. Endilikda, foydalanuvchilar portret shakldagi, jumladan guruh videosida ma’lum bir shaxsni ajratib ko‘rsatilgan videobloglarni suratga olish imkoniyatiga egadirlar. Fokusni almashtirish orqali kadrdagi boshqa obyektni ajratib ko‘rsatish va turli formatdagi videolarni suratga olish zavq bag‘ishlaydi.

• Bir dublda suratga olish uchun multivideo rejimi

HONOR 70 bir xil suratga olish jarayonida asosiy va old kameralar yordamida turli xil video rejimlariga o‘tish imkonini beradi. Foydalanuvchilar hikoyani har qanday tomondan aytib berishlari, nafaqat ko‘rganlarini, balki sodir bo‘layotgan voqealarga munosabatlarini ham namoyish etishlari mumkin. Misol uchun, do‘stingizning tug‘ilgan kunini suratga olayotganda, siz bir vaqtning o‘zida do‘stingizning tug‘ilgan kun tortidagi shamni qanday o‘chirayotganini (orqa kameradan foydalangan holda) va o‘sha damdagi o‘z his-tuyg‘ularingizni (old kamera yordamida) suratga olishingiz mumkin.

Kuchli mahsuldorlik

Smartfon 6 nanometrli Qualcomm Snapdragon 778G Plus 5G protsessori bilan jihozlangan. A78 to‘rt yadrosi yuqori darajadagi mahsuldorlik va ko‘p vazifalilikni ta’minlash uchun maksimal 2,5 GGts chastotaga yetadi.

OS Turbo X texnologiyasi o‘yin jarayonlarda yuqori kadr chastotasi va tasvirni qayta ishlash samaradorligini ta’minlaydi. Hatto yuqori unumdorlikni talab qiladigan o‘yinlar ham (masalan, Wild Rift) ravon va uzilishlarsiz ishlaydi.

Anti-aging Engine texnologiyasi keraksiz tizim fayllarini tozalaydi, saqlash uchun ko‘proq joyni ta’minlaydi va flesh xotirani optimallashtiradi. Texnologiya qurilmaning uzluksiz ishlashini, quvvat sarfini optimallashtirishni va uzoq muddatli foydalanish vaqtida mahsuldorlikni saqlab qolishni kafolatlaydi.

Tez quvvatlantirish va davomli avtonomlik

HONOR 70 4800 mA/soat sig‘imli katta batareya bilan jihozlangan bo‘lib, u kun davomida uzluksiz ishlashni kafolatlaydi.

Va nihoyat, telefonni qayta quvvatlantirish kerak bo‘lganda, HONOR SuperCharge 66Vt tezkor quvvatlash texnologiyasi yordamga keladi, u smartfonni atigi 20 daqiqada 3 foizdan 60 foizgacha quvvatlantiradi. Endi batareykani quvvatlantirish uchun rozetka qarshisida 2 soatlab vaqt sarflash shart emas.

Narxlar

6-oktabrdan boshlab Honor 70 smartfonlarini butun O‘zbekiston bo‘ylab xarid qilish mumkin.

8+128 GB versiyasi 5 728 000 so‘m, 8+256 GB versiyasi esa 6 098 400 so‘mni tashkil etadi. Ushbu smartfonni Texnomart, Credit Asia, idea, Mediapark va boshqa brend hamkorlaridan xarid qilishingiz mumkin.

Yangi mahsulotning va boshqa Honor qurilmalarining barcha savdo nuqtalari haqida @honor_uz_online_bot chat-botida bilib olishingiz mumkin.

Reklama huquqi asosida