Ниҳоят Honor 70 смартфонини Ўзбекистонда харид қилиш мумкин. Ушбу флагман қандай имкониятларга эга ва унинг нархи қанча? «Дарё» тести

«Дарё» Honor 70 смартфонини синовдан ўтказди. Ушбу смартфоннинг экранининг афзалликлари, унумдорлиги, аккумулятор сиғими, камераси, нархлари ҳақида батафсил маълумот.

Муҳташам ва замонавий дизайн

Honor компаниясининг смартфонлари доимо нафис дизайни ҳамда илғор технологияларнинг мукаммал уйғунлиги билан ажралиб турган ва янги Honor 70 ҳам бундан мустасно эмас.

Эътиборни тортувчи, биринчи жиҳати — бу мазкур смартфоннинг ташқи кўриниши саналади. Қимматбаҳо заргарлик буюмларидан илҳомланган премиум дизайн, уни ҳар қандай образ учун замонавий аксессуарга айлантирди.

Симметрик шаршара экранли ва томонлари букилган корпуснинг оғирлиги атиги 178 граммни ташкил этади, яъни уни кичик сумкачаларга ва чўнтакка осонгина жойлаш мумкин.

Смартфоннинг орқа томони иккита ҳалқа кўринишидаги камера билан безатилган. Битта ҳалқа асосий камера ва boke эффектига эга суратлар олиш учун объективни, бошқаси эса ултра кенг бурчакли камерани қуршаб туради.

6,67 дюмли OLED-экран

HONOR 70 6,67 дюймли OLED дисплейга, 1,51 мм юпқа ҳошияларга эга бўлди, бу эса экраннинг корпусга 93,27 фоиз нисбатини таъминлайди. Фильмлар, футбол ўйинлари ёки шунчаки фотосуратларни томоша қилишда қулайлик кафолатланади.

Экран қуйидагиларни қўллаб-қувватлайди:

•  2400х1080 пикселли ўлчам;
•  1,07 миллиард тасвирланувчи ранглар;
•  100 фоиз DCI-P3 ранг қамрови;
•  HDR10+;
•  120 Гц янгиланиш частотаси.

Профессионал даражадаги фотосуратлар

Honor 70 ўзининг беқиёс фото ва видео тасвирга олиш имкониятлари билан ажралиб туради. Унинг HONOR Image Engine технологияси билан кучли икки нафар камераси қуйидагилардан иборат:

•  IMX800 ултра сезгир сенсорли 54 МП ли асосий камера;
•  Макро тасвирга олиш функцияли 50 МП ли ултра кенг бурчакли объектив;
•  Boke самараси билан суратга олиш учун 2 МП ли объектив;
•  32 МП ли олд камера.

Ф/1,9 диафрагмали 54 Мп ли асосий камера 1/1,49 дюймли IMX800 сенсорга эга бўлиб, у туфайли объектив янада кўпроқ ёруғликни тутиб олади ва суратларга аниқлик ҳамда ёрқинлик бахш этади.

Ф/2.2 диафрагма билан 50МП ли ўта кенг бурчакли объектив кенг кўриш бурчагини таъминлайди, бу масалан, пейзаж ёки интерьерни тасвирга олиш учун ниҳоятда мос. Ушбу модуль автофокус билан биргаликда 2,5 см белгиланган фокус масофадан фойдаланади, бу эса объектларни йирик режада суратга олиш ва диққатни майда тафсилотларга қаратиш имконини беради.

32 Мп ли олд камера ифодали ва ёрқин селфи-тасвирларни олиш имконини тақдим этади.

Honor Image Engine технологиясига келсак, у тасвирларни янада ёрқинроқ ва сифатлироқ қилиш имконини беради. Ушбу технология сунъий интеллектдан фойдаланган ҳолда бир вақтнинг ўзида бир нечта камера модулларидан маълумотларни тўплайди ва таҳлил қилади. Натижада олинган фотосуратлар ва видеотасвирларнинг равшанлиги ҳамда аниқлиги сезиларли даражада яхшиланади. Бу, ўз навбатида, ёруғлик етарли бўлмаган шароитда ҳам профессионал даражада суратга олиш имконини беради.

Буларнинг барчаси тасвирнинг теранлиги ва равшанлигини акс эттиришга, шунингдек, суратни экранда максимал даражада ҳаққонийдек тасвирлаш имконини беради.

Ноёб видеотасвирга олиш режимлари

Honor 70 бир сонияда 30 кадр тезликда 4К видео тасвирга олиш имкониятини таъминлайди, бу эса юқори сифатли видеороликлар яратишга йўл очади. Аммо бу ҳали ҳаммаси эмас: смартфон бир нечта ноёб режимларга ҳам эга бўлди, улар сизга бир оз ижодкорлик қўшган ҳолда контентингизни бойитишга имкон беради:

• Смарт видео-фокус режими

Ушбу режим бир вақтнинг ўзида экранда иккита видеони кўрсатишга имкон беради: умумий режа ва танланган тасвир объекти билан видео. Шахсни таниб олиш технологияси ва реал вақтда объектни кузатиш технологияси билан ақлли кузатув автофокуси объектни эслаб қолади ва объект кадр ичида қайта пайдо бўлганда реакцияга киришади. Эндиликда, фойдаланувчилар портрет шаклдаги, жумладан гуруҳ видеосида маълум бир шахсни ажратиб кўрсатилган видеоблогларни суратга олиш имкониятига эгадирлар. Фокусни алмаштириш орқали кадрдаги бошқа объектни ажратиб кўрсатиш ва турли форматдаги видеоларни суратга олиш завқ бағишлайди.

• Бир дублда суратга олиш учун мултивидео режими

HONOR 70 бир хил суратга олиш жараёнида асосий ва олд камералар ёрдамида турли хил видео режимларига ўтиш имконини беради. Фойдаланувчилар ҳикояни ҳар қандай томондан айтиб беришлари, нафақат кўрганларини, балки содир бўлаётган воқеаларга муносабатларини ҳам намойиш этишлари мумкин. Мисол учун, дўстингизнинг туғилган кунини суратга олаётганда, сиз бир вақтнинг ўзида дўстингизнинг туғилган кун тортидаги шамни қандай ўчираётганини (орқа камерадан фойдаланган ҳолда) ва ўша дамдаги ўз ҳис-туйғуларингизни (олд камера ёрдамида) суратга олишингиз мумкин.

Кучли маҳсулдорлик

Смартфон 6 нанометрли Qualcomm Snapdragon 778Г Plus 5G процессори билан жиҳозланган. А78 тўрт ядроси юқори даражадаги маҳсулдорлик ва кўп вазифалиликни таъминлаш учун максимал 2,5 ГГц частотага етади.

OS Turbo X технологияси ўйин жараёнларда юқори кадр частотаси ва тасвирни қайта ишлаш самарадорлигини таъминлайди. Ҳатто юқори унумдорликни талаб қиладиган ўйинлар ҳам (масалан, Wild Rift) равон ва узилишларсиз ишлайди.

Anti-aging Engine технологияси кераксиз тизим файлларини тозалайди, сақлаш учун кўпроқ жойни таъминлайди ва флеш хотирани оптималлаштиради. Технология қурилманинг узлуксиз ишлашини, қувват сарфини оптималлаштиришни ва узоқ муддатли фойдаланиш вақтида маҳсулдорликни сақлаб қолишни кафолатлайди.

Тез қувватлантириш ва давомли автономлик

HONOR 70 4800 мА/соат сиғимли катта батарея билан жиҳозланган бўлиб, у кун давомида узлуксиз ишлашни кафолатлайди.

Ва ниҳоят, телефонни қайта қувватлантириш керак бўлганда, HONOR SuperCharge 66Вт тезкор қувватлаш технологияси ёрдамга келади, у смартфонни атиги 20 дақиқада 3 фоиздан 60 фоизгача қувватлантиради. Энди батарейкани қувватлантириш учун розетка қаршисида 2 соатлаб вақт сарфлаш шарт эмас.

Нархлар

6 октябрдан бошлаб Honor 70 смартфонларини бутун Ўзбекистон бўйлаб харид қилиш мумкин.

8+128 ГБ версияси 5 728 000 сўм, 8+256 ГБ версияси эса 6 098 400 сўмни ташкил этади. Ушбу смартфонни Texnomart, Credit Asia, идеа, Mediapark ва бошқа бренд ҳамкорларидан харид қилишингиз мумкин.

Янги маҳсулотнинг ва бошқа Honor қурилмаларининг барча савдо нуқталари ҳақида @honor_uz_online_bot чат-ботида билиб олишингиз мумкин.

Реклама ҳуқуқи асосида