Gaaga sudi 2014-yil 17-iyulda Donbassda urib tushirilgan Malayziyaning Boeing samolyoti ishi bo‘yicha hukm e’lon qildi. Bu haqda “RBK” xabar berdi.
Amsterdamdan Kuala-Lumpurga uchayotgan samolyotda yuz bergan hodisada 298 kishiga halok bo‘lgandi. Sud MH17 reysi Pervomayskiy yaqinidagi daladan “Buk” havo mudofaa tizimi tomonidan urib tushirilgan degan xulosaga keldi. Sud Rossiyani mojaroda ishtirok etgan va hududdagi janglarni qo‘llab-quvvatlagan deb hisoblaydi. Xususan, hodisa ayblanuvchilaridan Igor Girkin Rossiya fuqaroligiga ega.
Rossiya MH17 reysi urib tushirilishiga aloqadorligini qayta-qayta rad etib, uning bu ish bo‘yicha xulosalari G‘arb tergovchilari tomonidan inobatga olinmayotganiga ishora qilgan. Xalqaro tergov samolyot Rossiyadan olib kelingan “Buk” raketasi yordamida urilgan, degan xulosaga keldi.
Gaaga sudi to‘rtta ayblanuvchidan uch nafarini, Girkin, Dubinskiy va Xarchenkolarni, aybdor deb topdi va ularga umrbod qamoq jazosi tayinladi.
Shuningdek, ayblanuvchilar qurbonlarning yaqinlariga kamida 16 million yevro tovon puli to‘lashi kerak. Sud MH17 halokatida “Buk” havo mudofaa tizimidan foydalanishni Rossiya bilan bevosita aloqador deb topmadi.
Izoh (0)