Jahon sog‘liqni saqlash tashkiloti Yevropa mintaqaviy byurosining navbatdagi hisobotiga ko‘ra, mintaqada yashovchi maktab yoshidagi har uch o‘g‘il-qizdan biri ortiqcha vazn yoki semizlikdan aziyat chekmoqda.
Hujjat hududdagi 33 mamlakatdan to‘plangan tahlillarga asoslangan. Tadqiqotda 6 yoshdan 9 yoshgacha bo‘lgan qariyb 411 ming nafar bola ishtirok etgan. Qayd etilishicha, qator mamlakatlarda bu ko‘rsatkich yanada yuqori.
Aniqroq aytganda, 7—9 yoshli bolalarning 29 foizi xuddi shu muammoga duchor bo‘lgan. Vazn ortishi holatlari qizlarga nisbatan o‘g‘il bolalar orasida yuqori. Bularning barchasi yosh avlod o‘rtasida yurak-qon tomir, qandli diabet, saraton kabi xavfli kasalliklarning rivojlanishi uchun imkon yaratmoqda.
Biz bu xavotirli ko‘rsatkichlarni kamaytirish bo‘yicha yanada faolroq harakat qilishimiz kerak. Vaziyatni o‘nglash uchun esa bizga samarali strategiyalar zarur, — deydi JSST vakili K. Vikramasingx.Ma’lumot uchun, O‘zbekiston Jahon sog‘liqni saqlash tashkilotining 53 davlatni birlashtirgan Yevropa mintaqaviy byurosi a’zosi hisoblanadi.
Izoh (0)