Tashqi ishlar vazirligida tayinlovlar amalga oshirildi. Bu haqda Telegram’dagi “Nigoh” kanali xabar berdi.
Unga ko‘ra, Furqat Siddiqov tashqi ishlar vazirining birinchi o‘rinbosari lavozimiga tayinlandi. Shu munosabat bilan u tashqi ishlar vazirining o‘rinbosari lavozimidan ozod etildi.
Ma’lumot uchun, 2020-yil may oyida prezident qarori bilan Siddiqov Furqat Ahmedovich tashqi ishlar vazirining o‘rinbosari lavozimiga tayinlangan edi.
Furqat Siddiqov 1971-yilda tug‘ilgan. U 2015-yildan beri O‘zbekistonning Pokistondagi favqulodda va muxtor elchisi lavozimida ishlab kelayotgandi. Bunga qadar esa O‘zbekistonning AQShdagi elchixonasida birinchi kotib lavozimida faoliyat olib borgan.
Bahrom A’loyev esa tashqi ishlar vaziri o‘rinbosari lavozimiga tayinlandi. Bungacha u O‘zbekistonning Kuvaytdagi elchisi sifatida faoliyat yuritgan.
Avvalroq Kuvaytdagi elchi — Bahrom Jo‘raboyevich A’loyevga favqulodda va muxtor elchi oliy diplomatik martabasi berilgan edi.
Izoh (0)