Ташқи ишлар вазирлигида тайинловлар амалга оширилди. Бу ҳақда Telegram’даги «Нигоҳ» канали хабар берди.
Унга кўра, Фурқат Сиддиқов ташқи ишлар вазирининг биринчи ўринбосари лавозимига тайинланди. Шу муносабат билан у ташқи ишлар вазирининг ўринбосари лавозимидан озод этилди.
Маълумот учун, 2020 йил май ойида президент қарори билан Сиддиқов Фурқат Аҳмедович ташқи ишлар вазирининг ўринбосари лавозимига тайинланган эди.
Фурқат Сиддиқов 1971 йилда туғилган. У 2015 йилдан бери Ўзбекистоннинг Покистондаги фавқулодда ва мухтор элчиси лавозимида ишлаб келаётганди. Бунга қадар эса Ўзбекистоннинг АҚШдаги элчихонасида биринчи котиб лавозимида фаолият олиб борган.
Баҳром Аълоев эса ташқи ишлар вазири ўринбосари лавозимига тайинланди. Бунгача у Ўзбекистоннинг Кувайтдаги элчиси сифатида фаолият юритган.
Аввалроқ Кувайтдаги элчи — Баҳром Жўрабоевич Аълоевга фавқулодда ва мухтор элчи олий дипломатик мартабаси берилган эди.
Изоҳ (0)