Farg‘ona viloyatining Qo‘qon shahridagi IIB binosida 15 yoshli bola vafot etgani xabar berilgandi. Bolalar ombudsmani Farg‘onadagi IIB binosida vafot etgan 15 yoshli o‘smir voqeasini joyiga borib o‘rgandi.
Farg‘ona viloyati ichki ishlar boshqarmasining rasmiy munosabat bildirishicha, mazkur voqea yuzasidan 2 nafar ichki ishlar organi xodimi ishdan bo‘shatilgan.
Voqea sodir bo‘lgan kunda navbatchilik qilgan 2 nafar IIO xodimi tarbiyalanuvchilarni nazoratsiz qoldirib, janjalni oldini olmaganligi uchun IIO safidan bo‘shatilib, xodimlarga nisbatan to‘plangan hujjatlar qonuniy chora ko‘rishlik uchun viloyat prokuraturasiga taqdim qilingan.
Hozirda holat yuzasidan Ichki ishlar vazirligi tomonidan xizmat tekshiruvi olib borilmoqda.
Mavzuga doir: Bolalar ombudsmani Farg‘onadagi IIB binosida 15 yoshli bola o‘lgani yuzasidan o‘rganish ishlari olib bordiMarhumning o‘limi tafsilotlari
15-yoshli bola o‘limi yuzasidan avvaliga 8 nafar voyaga yetmagan bola gumonlanayotgandi. Holat yuzasidan Qo‘qon shahar prokuraturasi tomonidan Jinoyat kodeksining 104-moddasi 3-qismi “d” bandi (qasddan badanga og‘ir shikast yetkazish jabrlanuvchining o‘lishiga sabab bo‘lsa) bilan jinoyat ishi qo‘zg‘atilgan. Tergov mobaynida ikki nafar voyaga yetmagan tarbiyalanuvchi marhum R.A.ni urib, uning o‘limiga sabab bo‘lgan tan jarohatlari yetkazgani ma’lum bo‘lgan.
Izoh (0)