Ukrainaning Nikolayev shahriga raketa hujumi oqibatida besh qavatli turar joy binosi vayron bo‘ldi.
Shahar meri Aleksandr Senkevichning so‘zlariga ko‘ra, Rossiya qo‘shinlari 11-noyabrga o‘tar kechasi turar joy hududini o‘qqa tutgan, raketalardan biri besh qavatli binoga kelib tushgan. “Beshinchi qavatdan birinchi qavatgacha vayron bo‘ldi”, — deb yozdi Senkevich Telegram kanalida.
Nikolayev rahbarining so‘zlariga ko‘ra, raketa hujumi oqibatida kamida ikki kishi halok bo‘lgan va bir kishi yaralangan. Jurnalist Anatoliy Shariy tarqatgan tasdiqlanmagan ma’lumotlarda esa besh kishi halok bo‘lgani aytilmoqda.
Ukraina prezidenti Vladimir Zelenskiy Nikolayevdagi vayronagarchilik videosini e’lon qildi va shaharning o‘qqa tutilishini “frontdagi muvaffaqiyatlarimizga terrorchi davlatning behayolarcha javobi” deb atadi.
9-noyabr kuni Rossiya qo‘mondonligi Dneprning o‘ng qirg‘og‘idan qo‘shinlarini olib chiqishni e’lon qildi. Chekingan taqdirda, Rossiya Nikolayev viloyatining butun bosib olingan hududini, shuningdek, Xerson viloyatining bir qismini, jumladan markaz Xerson sharini yo‘qotadi.
Vladimir Zelenskiy 10-noyabr kuni Ukraina Qurolli kuchlari Ukraina janubidagi 40 dan ortiq aholi punktlarini ozod qilganini ma’lum qildi. 10-noyabr kuni Ukraina harbiylari Dneprning o‘ng qirg‘og‘idagi muhim logistika markazi bo‘lgan Snigiryovka shahrini (Nikolayev viloyatida) qaytarib olganini e’lon qildi.
Izoh (0)