Rossiyaning Ukrainaga qarshi urushi va uning ayanchli oqibatlariga barham berish kerak. Bu haqda Misr prezidenti Abdulfattoh As-Sisining bayonotiga asoslanib, CNN xabar bermoqda.
BMT COP27 iqlim konferensiyasidagi Jahon yetakchilari sammitining ochilishida nutq so‘zlar ekan, Misr prezidenti Rossiya va Ukraina o‘rtasidagi urushni to‘xtatishga chaqirdi.
“Bu urush to‘xtashi kerak, bu urush va u keltirgan azob-uqubatlarga barham berish kerak”, — dedi u.
“Men urushning tugashini chin dildan istayman... O‘zimni vositachi deb bilmayman, lekin men ham boshqalar kabi urushni tugatish uchun harakat qilishga tayyorman... Misr iqtisodiyoti kuchli emas. Biz pandemiyadan juda ko‘p jabr ko‘rdik, hozir esa urush sabab aziyat chekyapmiz. Rossiya—Ukraina urushi tufayli dunyoning ko‘plab davlatlari jabr ko‘rmoqda”, — dedi As-Sisi.
Misr dunyo miqyosida eng ko‘p bug‘doy import qiladigan davlatlardan biri bo‘lib,u g‘allaning 80 foizdan ortig‘ini Ukraina va Rossiyadan olardi.
Rossiyaning Ukrainaga bostirib kirishi tufayli Misr valyutasi rekord darajada pasayib ketdi.
Izoh (0)