«Ўғил болалар йиғламайди» ва «Миллион долларлик чақалоқ» фильмларидаги роллари учун «Оскар» мукофотига сазовор бўлган 48 ёшли актриса Ҳилари Суэнк яқинда она бўлишини эълон қилди. Илк бор она бўладиган актриса эгизак фарзандларни дунёга келтиради. Ҳилари фарзанд кутаётгани акс этган суратни мухлисларига кўрсатди.
Ҳилари Суэнк ижтимоий тармоқларга уйида «Менинг кичкина қовоқчаларим» деб ёзилган футболкада тушган суратини жойлаштирди.
«Бу ҳақда гапириш ва қувончимни баҳам кўриш жуда ёқимли», — дейди она бўлишини узоқ вақт сир сақлаган Ҳилари. Актриса «Alaska Daily» янги сериалида рол ўйнади ва суратга олиш гуруҳи яқин вақтгача ҳеч нарсадан шубҳаланмади.
«Бир пайт кийимлар менга сиғмай қолди, бошқа куни жинсиларимни кесишга мажбур бўлдим. Кейин эса қаҳрамонимнинг гардеробига умуман тўғри келмайдиган кўйлакни кийдим. Ҳамкасбларим мен билан баҳслашишга ҳаракат қилишди, бироқ мен танловимни ҳимоя қилдим», — дейди актриса.
Ҳилари ва унинг турмуш ўртоғи, бизнесмен Филипп Шнайдер ота-она бўлишни интиқлик билан кутмоқда. Актрисанинг сўзларига кўра, у узоқ вақтдан бери ҳомиладор бўлишни орзу қилган, бироқ энди унинг кейинги мақсади — чақалоқлар учун ажойиб она бўлиш.
Суонк Шнайдерга 2018 йил август ойида 2 йиллик муносабатлардан кейин турмушга чиқди. Актрисанинг сўзларига кўра, унинг оиласида ҳам, турмуш ўртоғининг оиласида ҳам эгизак фарзандлар бор. «Бу шундай бахт. Бу ҳақиқий мўъжиза. Бу ақл бовар қилмайдиган нарса», — деб хурсанд бўлади актриса.
Ҳиларининг севимли машғулотларидан бири тўқиш. У болаларига ўз қўли билан шинам комбинезон ва этикчалар тўқийди.
Мавзуга доир:
- Телефонда олинган бўлса-да, Уйғониш даври асарларига ўхшаб қолган суратлар.
- Дастурхон нақшидаги QR кодлар, метродаги очиқ осмон: дўстларга юборишга арзийдиган суратлар.
- Дунё бўйлаб қишлоқ уйлари қандай кўринишга эга: сизни ҳайратда қолдирадиган ажойиб суратлар.
- Бразилия ҳақида энциклопедиялардан кўра кўпроқ маълумот бера оладиган ҳаётий суратлар.
Изоҳ (0)