Farg‘ona viloyati Uchko‘prik tumanida Hyundai Santa Fe avtotransport vositasi auksion savdoga chiqarilmoqda. Bu haqda Majburiy ijro byurosi “Daryo”ga ma’lum qildi.
Qayd etilishicha, MIBning Uchko‘prik tuman bo‘limi tomonidan viloyat Davlat soliq boshqarmasining qaroriga asosan qarzdor M.C.L MCHJdan 629 million 492 ming 663 so‘m soliq va boshqa majburiy to‘lovlarni undirish haqidagi ijro hujjatlari kelib tushgan. Bu bo‘yicha qarzdor ogohlantirilgan bo‘lsa-da, qarzlarini to‘lash choralarini ko‘rmagan.
Davlat ijrochisi tomonidan olib borilgan majburiy ijro harakatlari davomida 28-oktabr kuni qarzdorga tegishli bo‘lgan Hyundai Santa Fe avtotransport vositasi ro‘yxatga olinib, xatlangan. Avtomashina 491 million 32 ming so‘mga baholangan.
Hozirda avtotransport vositasi auksion savdoga chiqarilmoqda.
Izoh (0)