“Manchester Siti” hujumchisi Erling Holand Transfermarkt hisob-kitoblariga ko‘ra, dunyoning eng qimmat futbolchisi sifatida topildi.
Nemis portali norvegiyalik futbolchini 170 million yevroga baholagan. Holand eng qimmat futbolchi maqomini “PSJ” forvardi Kilian Mbappedan (160 million yevro) tortib olgan.
Qayd etish kerak, APL futbolchisi 2009-yildan beri ilk bor dunyoning eng qimmat futbolchisiga aylandi. 13 yil avval Transfermarkt’da o‘sha vaqtda “Manchester Yunayted” hujumchisi bo‘lgan Krishtianu Ronaldu “Barselona” hujumchisi Lionel Messi bilan birgalikda dunyoning eng qimmat o‘yinchisi sifatida e’tirof etilgandi.
22 yoshli Holand Premyer Liga joriy mavsumida 11 ta o‘yin o‘tkazib, 17 gol va uchta assist muallifiga aylandi. 23 yoshli Mbappe esa Fransiya chempionatidagi 12 o‘yinda 11 ta to‘p kiritishga muvaffaq bo‘lgan.
Izoh (0)