Navoiy va Qashqadaryoda haydovchilik guvohnomasini olib berishni va’da qilib firibgarlik bilan pul olgan shaxslar ushlandi.
Bosh prokuratura huzuridagi departamentning Navoiy shahar bo‘limi tomonidan IIB bilan hamkorlikda o‘tkazilgan tezkor tadbirda, fuqarolar H.Q., D.A. fuqaro N.ga tanishlari yordamida haydovchilik guvohnomasi olib berish evaziga 300 ming so‘mni D.A.ning plastik kartasiga o‘tkazib, 400 dollarni olgan vaqtlarida ashyoviy dalillar bilan ushlangan.
Shu kabi, departamentning Qashqadaryo viloyat boshqarmasi tomonidan IIB xodimlari bilan hamkorlikda o‘tkazilgan tezkor tadbirda fuqaro R.M. fuqaro M.ga tanishlari yordamida haydovchilik guvohnomasini olib berishi evaziga 300 dollar olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir: Toshkentda “prava” olib berishni va’da qilgan xususiy korxona rahbari va o‘rinbosari ushlandi