Qoraqalpog‘istonda 2022-yilda o‘tgan yilga nisbatan chaqaloqlar o‘limi ortgan. Bu haqda respublika prokurori Erkaboy Tojiyev Jo‘qorg‘i Kengesning 36-sessiyasida ma’lum qildi.
Erkaboy Tojiyevning ma’lumot berishicha, respublikada 2021-yilda 234 nafar go‘dak o‘limi kuzatilgan bo‘lsa, 2022-yilda bu ko‘rsatkich 315 nafarga yetgan.
Go‘daklar o‘limi haqida son bilan gapirish xato, lekin baribir gapirishga majburmiz, — deydi Erkaboy Tojiyev.Qo‘shimcha qilinishicha, shu yilning o‘zida 1512 nafar homilador ayolga o‘z vaqtida tibbiy xizmatlar ko‘rsatilmagan.
Bu esa go‘daklarning yaxshi rivojlanmasligiga yoki nobud bo‘lishiga sabab bo‘lmoqda. Masalan, Amudaryo tuman tibbiyot birlashmasi 24 nafar chaqaloq o‘limini yashirgan, yana 24 nafar bola o‘limining sabablari ochiqlanmay qolgan. Bundan kimning aybi bor va nima sababdan bu holat yuzaga kelgani aniqlanmagan, — deydi Erkaboy Tojiyev.Erkaboy Tojiyev, shuningdek, Qoraqalpog‘istonda tibbiyot sohasidagi vakant lavozimlar savdoga qo‘yilayotganini aytgan.
Tibbiyot muasssasalaridagi 8417 ta tibbiy jihozlarning 1669 tasi ya’ni 20 foizi 15 yil avval ishlab chiqarilgan va ma’nan eskirgan. 305 tasi ta’mirtalab, 534 tasi esa mutloqo yaroqsiz ahvolda. Hududlarda 459 ta bo‘sh ish o‘rni bo‘lishiga qaramasdan 2829 nafar xodim yarim stavkada, 547 nafari esa 0,25 stavka bilan ishlab kelmoqda. Nega bu ish o‘rinlari mana shu xodimlarga berilmagan degan savol tug‘iladi, — deydi prokuror.
Izoh (0)