Қорақалпоғистонда 2022 йилда ўтган йилга нисбатан чақалоқлар ўлими ортган. Бу ҳақда республика прокурори Эркабой Тожиев Жўқорғи Кенгеснинг 36-сессиясида маълум қилди.
Эркабой Тожиевнинг маълумот беришича, республикада 2021 йилда 234 нафар гўдак ўлими кузатилган бўлса, 2022 йилда бу кўрсаткич 315 нафарга етган.
Гўдаклар ўлими ҳақида сон билан гапириш хато, лекин барибир гапиришга мажбурмиз, — дейди Эркабой Тожиев.Қўшимча қилинишича, шу йилнинг ўзида 1512 нафар ҳомиладор аёлга ўз вақтида тиббий хизматлар кўрсатилмаган.
Бу эса гўдакларнинг яхши ривожланмаслигига ёки нобуд бўлишига сабаб бўлмоқда. Масалан, Амударё туман тиббиёт бирлашмаси 24 нафар чақалоқ ўлимини яширган, яна 24 нафар бола ўлимининг сабаблари очиқланмай қолган. Бундан кимнинг айби бор ва нима сабабдан бу ҳолат юзага келгани аниқланмаган, — дейди Эркабой Тожиев.Эркабой Тожиев, шунингдек, Қорақалпоғистонда тиббиёт соҳасидаги вакант лавозимлар савдога қўйилаётганини айтган.
Тиббиёт муасссасаларидаги 8417 та тиббий жиҳозларнинг 1669 таси яъни 20 фоизи 15 йил аввал ишлаб чиқарилган ва маънан эскирган. 305 таси таъмирталаб, 534 таси эса мутлоқо яроқсиз аҳволда. Ҳудудларда 459 та бўш иш ўрни бўлишига қарамасдан 2829 нафар ходим ярим ставкада, 547 нафари эса 0,25 ставка билан ишлаб келмоқда. Нега бу иш ўринлари мана шу ходимларга берилмаган деган савол туғилади, — дейди прокурор.
Изоҳ (0)