Futbol bo‘yicha Germaniya Kubogi ikkinchi bosqich o‘yinlari 19-oktabr, chorshanba kuni start oldi.
“Bavariya” “Augsburg” bilan bahs olib bordi. Uchrashuvning 9-daqiqasida Mads Pedersen hisobni ochdi. 27-daqiqada Erik Shupo-Moting muvozanatni tikladi. 53-daqiqada Joshua Kimmix myunxenliklarni hisobda oldinga olib chiqdi. 59-daqiqada esa Shupo-Moting dublni rasmiylashtirdi. 65-daqiqada Dayo Upamekano hisobni qisqartirdi. 74-daqiqada esa Jamal Musiala navbatdagi golni urdi. 90+1-daqiqada Alfonso Devis tomonidan urilgan gol esa uchrashuvdagi yakuniysi bo‘ldi. Shu tariqa myunxenliklar navbatdagi turda ham g‘alaba qozondi.
“Borussiya D” esa safarda “Gannover”ni 2:0 hisobida taslim etdi. Dortmundliklar safida Jud Bellinghem bitta gol urgan bo‘lsa, yana bir golni “Gannover” vakili Brayt Arrey-Mbi o‘z darvozasiga urib qo‘ydi.
Germaniya Kubogi
2-bosqich
19-oktabr, chorshanba
“Augsburg” — “Bavariya” 2:5
Gollar: 1:0 – 9 Pedersen, 1:1 – 27 Shupo-Moting, 1:2 – 53 Kimmix, 1:3 – 59 Shupo-Moting, 2:3 – 65 Upamekano (avtogol), 2:4 – 74 Musiala, 2:5 – 90 Devis.“Augsburg”: Koubek, Gumni (Petkov, 46), Gaueleu, Bauer, Yago, Pedersen (Framberger, 82), Vargas (Kalijuri, 67), Grueso (Baumgartlinger, 67), Rejbechay, Niderlexner, Demirovich (Mayer, 67).
“Bavariya”: Ulrayx, Pavar, Upamekano, de Ligt, Devis, Goretska, Kimmix, Shupo-Moting (Zabitser, 85), Mane (Koman, 58), Gnabri, Musiala (Myuller, 80).
Ogohlantirish: Gaueleu (79).
“Gannover” — “Borussiya D” 0:2
Gollar: 0:1 – 11 Arrey-Mbi (avtogol), 0:2 – 71 Bellinghem (penalti).“Gannover”: Vaynkauf, Dem (Shtolse, 75), Berner, Noymann, Arrey-Mbi, Muroya, Bezushkov, Kunse (Leopold, 75), Nilsen (Kerk, 82), Vaydandt (Ken, 75), Bayer.
“Borussiya D”: Kobel, Menye (Hummels, 62), Zyule, Shlotterbek, Gerreyru, Azar (Reyna, 68), Jan, Brandt (Bellinghem, 62), O‘zjan, Malen (Adeyemi, 68), Mukoko (Passlak, 90).
Ogohlantirishlar: Kunse (35), Azar (38), Bezushkov (67), Jan (75).
Chetlatish: Adeyemi (85).
Izoh (0)