Захирада қолдирилган Роналду «Тоттенҳэм»га қарши ўйин тугамасидан кийиниш хонасига кириб кетди. Эрик тен Ҳаг бунга муносабат билдирди

«Манчестер Юнайтед» Премер Лиганинг 11-турида «Тоттенҳэм»ни мағлубиятга учратди (0:2).

Манкунианлар ҳужумчиси Криштиану Роналду мазкур ўйинда захира ўриндиғида қолдирилди. Португалиялик футболчи майдонга тушмаслигини билгач, ўйин тугашини кутмасдан 90-дақиқада кийиниш хонасига кириб кетган.

«Манчестер Юнайтед» бош мураббийи Эрик тен Ҳаг нима сабабдан Роналдуни эмас Маркус Рэшфордни майдонга туширганига изоҳ берди.

Роналдунинг ҳаракат ҳақида

Уни кўрдим, бироқ ҳали гаплашмадим. Бунга эътибор қаратмайман, бу масалани эртага муҳокама қиламиз. Ҳозирда жамоа билан бирга бўлишни истайман.

Роналду эмас, Рэшфорд танлангани борасида

«Тоттенҳэм»га қарши ўйинда бизга яхши прессинг керак эди. Контпрессинг лозим эди. Шу орқали сиз вазият яратишингиз мумкин, шунинг учун бизга прессингда иштирок этадиган ўйинчи керак эди.

Ҳужумда бизга динамика керак, Маркус буни бера олади. «Ньюкасл»га қарши ўйинда кўрдингиз, у тушганидан кейин ўйиннинг сўнгги 20 дақиқалиги бошқача ўтди: тезлик ошди, очиқ зоналар пайдо бўлди.

Эрик тен Ҳаг, «Манчестер Юнайтед» бош мураббийи