Raniya al-Abdulla — Yaqin Sharq haqidagi barcha stereotiplaringizni buzgan Iordaniya qirolichasi. Malika xayriya bilan shug‘ullanadi, Sharq ayollari va bolalari huquqlari uchun kurashadi. Raniya xotirjam tarzda stilettolar, ko‘ylaklar va shaffof elementli liboslar kiyadi. Quyidagi suratlardan Iordaniya malikasi bejizga sharqona uslub belgisi deb atalmaganini tushunasiz.
Klassika
Raniya klassik liboslarning katta muxlisi. Unga birinchi marta qaraganingizda, uni Iordaniya malikasi deb o‘ylamaysiz. Tekis shim va kurtka uning obrazini zerikarli va ko‘zga tashlanmaydigan qilib qo‘ymaydi. Raniya ranglar, printlar va kombinatsiyalar bilan ajoyib uslub yaratadi.
Yorqin ranglar
Sharq urf-odatlariga qaramay, Raniya olomondan ajralib turishdan qo‘rqmaydi. Bunda unga yorqin ranglar yordam beradi. Iordaniya qirolichasi g‘ayrioddiy ranglar va printlar bilan tajriba qilishni yaxshi ko‘radi.
Dekolte
Albatta, Iordaniya qirolichasi haddan tashqari ochiq kiyimlarni kiymaydi. Ammo bu uning butunlay rad etishini anglatmaydi. Raniya kiygan dekolte juda kamtar va zamonaviy ko‘rinadi, kiyimdagi kesiklar malika qiyofasini faqatgina muvaffaqiyatli ta'kidlaydi.
Shaffof elementlar
Raniya qirollik odob-axloq me'yorlariga rioya qilishni, zamonaviy ko‘rinishni yaxshi biladi. Tantanali tadbirlarda qirolichani ko‘pincha shaffof elementli liboslarda ko‘rish mumkin. Kundalik ishlarda esa Raniya o‘ziga yarashib turadigan shifonli bluzkalardan voz kechmaydi.
Poshnali poyabzallar
Iordaniya qirolichasi o‘zining tashqi qiyofasini to‘g‘ri tanlangan poyabzal bilan qanday to‘ldirishni biladi. Odatda Raniyaning tanlovi baland stilettolarga, ba’zan esa oddiy poshnalarga to‘g‘ri keladi. Har bir poyabzal qirolichaning kiyimiga uyg‘un bo‘ladi: u rangga ham, vaziyatga ham mos keladi.
Mavzuga doir:
- GI parhezi: Iordaniya qirolichasi Raniya al-Abdulla 45 yoshdan keyin ratsiondan chiqarib tashlagan mahsulotlar
- Qirolichadek kiyining: Monarx xonimlarning takrorlash mumkin bo‘lgan 9 obrazi (foto)
- Zamonamiz Zolushkasi: Bir vaqtlar Apple kompaniyasiga ishga olinmagan Iordaniya malikasi Raniya al-Abdulla hikoyasi
Izoh (0)