Britaniya parlamentining Konservativ partiyadan bo‘lgan a’zolari bosh vazir Liz Trassni shu hafta iste’foga yuborishga urinib ko‘radi, Dauning stritning bu umumiy saylovlarga olib kelishi mumkinligi haqidagi ogohlantirishlari ularga ta’sir qilmagan. Bu haqda Daily Mail gazetasi o‘z manbalariga tayanib xabar berdi.
Gazeta suhbatdoshlari ma’lumotlariga ko‘ra, 100 ga yaqin parlament deputatlari “1922-yilgi qo‘mita” raisi Grem Breydiga xat yozib, Trassga ishonchsizlik votumi o‘tkazishni iltimos qilgan.
“1922-yilgi qo‘mita” — hukumatga kirmay qolgan, hukumatdan chiqqan yoki partiyaga yaqinda kelgan konservatorlar parlament guruhi shunday ataladi.
Bosh vazir lavozimiga nomzodlardan biri sifatida ba’zi deputatlar mudofaa vaziri Ben Uollesni taklif qilmoqda. Iyul oyida Mudofaa vazirligi rahbari bosh vazir lavozimiga nomzodini qo‘yishdan bosh tortgandi. Buni u bor e’tiborini o‘zining vazirlik majburiyatlariga va mamlakat xavfsizligini saqlashga qaratish haqidagi qarori bilan izohlagandi.
Britaniya parlamenti a’zolari Trassning iste’fosini xohlayotgani haqida avvalroq Politico nashri ham yozgandi. Nashr ma’lumotlariga ko‘ra, tori deputatlari konservatorlar partiyasining bosh vazir lavozimiga kirishganidan keyingi birinchi yilda unga nisbatan ishonch votumi bo‘yicha ovoz berishni boshlash imkonini bermaydigan qoidalarini o‘zgartirishni muhokama qilmoqda.
Trassning iste’fosi masalasi u g‘aznachilik kansleri Kvazi Kvartengni ishdan bo‘shatganidan keyin muhokama qilina boshladi, u esa moliya vaziri sifatida parlamentda keng ko‘lamda soliqlarni kamaytirishni ko‘zda tutuvchi, Britaniya iqtisodiyotini qo‘llab-quvvatlash rejasini taqdim etgandi.
Bosh vazir o‘z qarorini “milliy manfaatlar” bilan izohladi va o‘z hukumatining umumiy yo‘nalishini o‘zgartirmaslikka va’da berdi, biroq biznes uchun foydadan olinadigan soliqni pasaytirishni bekor qildi.
Izoh (0)