Saudiya Arabistonining hali qurib bitkazilmagan shahri qishki Osiyo o‘yinlari—2029 ga mezbonlik qiladi. Arablar cho‘lda buni qanday amalga oshirmoqchi?

Saudiya Arabistonining hali qurib bitkazilmagan Troyena shahri 2029-yilgi qishki Osiyo o‘yinlarining mezboniga aylandi. Bu haqda Osiya Olimpiya ittifoqining bosh assambleyasida ma’lum qilindi.

Mezbonlik nima sababdan qishki sport turlarini o‘tkazishga mo‘ljallanmagan hududda, buning ustiga hali loyiha bo‘lib turgan shaharga berildi? Quyida ushbu vaziyat haqida so‘z boradi.

O‘yinlar 2017-yildan beri o‘tkazilmayapti. 2021-yilda musobaqa Pekinda o‘tkazilishi belgilangandi, biroq pandemiya sabab bekor qilindi. 2025-yilgi o‘yinlar uchun esa da’vogar topilmadi. 2029-yilgi qishki Osiyo o‘yinlariga mezbonlik qilishni xohlagan yagona nomzod esa Troyena bo‘ldi.

Saravat tog‘ini aytmaganda havo harorati 8 darajadan pastga deyarli tushmaydigan Saudiya Arabistoni qishki Osiyo o‘yinlariga mezbonlik qiladigan G‘arbiy Osiyoning ilk vakili bo‘ladi.

Troyenadagi markaz Fors ko‘rfazidagi ilk tog‘-chang‘i kurortiga aylanadi. U 500 milliard dollarga baholangan Neom loyihasining biri bo‘lagi hisoblanadi.

Kurort qayta tiklanadigan energiya orqali quvvatlantiriladi. Uning tarkibida chang‘i uchishga mo‘ljallangan hudud, oilaviy dam olish va sog‘lomlashtirish markazlari, chuchuk suvli ko‘l va interaktiv qo‘riqxona bo‘ladi.

Majmuada tabiiy qor bilan birgalikda sun’iysi ham ishlatiladi va bu uning erib ketishini 70 foizgacha kamaytiradi.

Qishki Osiyo o‘yinlarida 47 ta medallar shodasi o‘ynaladi.