Toshkent viloyati hokimligi axborot xizmati tomonidan viloyatning Zangiota tumanida tashkil etilgan matbuot anjumanida yerosti yo‘li qurilishi buyurtmachisi bo‘lgan O‘zbekiston avtomobil yo‘llari davlat qo‘mitasi vakili G‘ulom Zohidov qurilish ishlariga “snos” muammosi to‘siq bo‘layotganini, shu sabab qurilish to‘xtab qolganini aytdi.
Bu ayblovga javob bergan Toshkent viloyat hokimligi mas’uli, hokimlikning sho‘ba mudiri Eldor Mirxoliqov O‘zbekiston avtomobil yo‘llari davlat qo‘mitasi vakili OAV vakillariga noto‘g‘ri axborot berayotganini, yerosti yo‘l qurilishining to‘xtab qolishi faqatgina tuman hokimligiga qarab qolmaganini ma’lum qildi.
Har bir hududda buzilish ishlari olib borilsa, tashabbuskori tomonidan loyiha qilinayotganda atrofdagi barcha holatlar inobatga olinishi kerak. Mazkur yerosti yo‘li loyihasi qilinganda va ishlar boshlanayotganda “snos” muammosi e’tiborga olinmagan. Shu sabab “snos” pulini kim beradi, qachon beradi, degan savollar ochiq qolgan. To‘g‘ri, biz kompensatsiya masalasi bilan shug‘ullanamiz. Ammo yerosti yo‘li qurilishi buyurtmachilari qurilish qachon tugashini, buning uchun hokimlik nima qilishi kerakligini aniq aytsa, biz shunga qarab harakat qilardik, — deydi Toshkent viloyati hokimligi mas’uli Eldor Mirxoliqov.
Eldor Mirxoliqovning aytishicha, Toshkent viloyati hokimligi 1300 dan ortiq “snos” muammolarini hal etishi rejalashtirilgan bo‘lib, buning uchun 1 trillion 300 milliard so‘mdan oshiq mablag‘ berilishi ko‘zda tutilgan.
Izoh (0)