Toshkent viloyatining Zangiota tumanida bo‘lib o‘tgan matbuot anjumanida mahalliy deputat Ilhom Ikromov ham so‘z olib, salkam 74 milliard so‘m mablag‘ evaziga qurilayotgan yerosti yo‘li qurilishiga ayni kunga qadar 13 milliard so‘m sarflanganiga ishonmasligini aytdi.
Ma’lum bo‘lishicha, Toshkent viloyati hokimligi ijtimoiy tarmoqlarda yerosti yo‘li qurilishi bilan bog‘liq axborotlarga aniqlik kiritish maqsadida matbuot anjumani tashkil qilgan.
Unda so‘z olgan yerosti yo‘li qurilishi buyurtmachisi — O‘zbekiston avtomobillar yo‘llari davlat qo‘mitasi vakili G‘ulom Zohidov obyekt uchun salkam 74 milliard so‘m mablag‘ ajratilganini, 2022-yilda shu mablag‘ning 20 milliard so‘mi berilganini, ayni kundagi ishlar uchun esa 13 milliard so‘m mablag‘ sarflanganini ma’lum qilgan.
Mazkur ma’lumotga munosabat bildirgan mahalliy kengash deputati Ilhom Ikromov mas’ulga yuzlanib, “Shugina ish uchun 13 milliard so‘m sarflanganiga ishonish qiyin, oddiy fuqaro ko‘zi bilan, qurilishni tushunmaydigan inson ko‘zi bilan qaralsa ham bu yerda 13 milliard so‘mlik ish qilinganiga ishonmayman”, dedi. Bunga javob bergan mas’ul esa “Buni nazorat qiluvchi tashkilotlar, mas’ullar bor. Vaqti kelsa, ular buni o‘rganadi va yeb ketilgan mablag‘ bo‘lsa, albatta javobgarlikka tortadi”, — dedi.
Bugungi matbuot anjumanidan unchalik ham qoniqmadim. Sababi mas’ullar savol berilsa, javob berishdan qochib, aybni bir-biriga ag‘darmoqda. Qolaversa, ayni kundagi ishlar uchun 13 milliard so‘m mablag‘ sarflangan deyishyapti. Oddiy ko‘z bilan qaralsa ham buncha mablag‘ sarflanganiga ishonish qiyin. To‘g‘ri, bu mening shaxsiy fikrim, — deydi deputat.
Izoh (2)
Huquqiy tekshuruv o'tkazish kerak, 13 milliard digani 1 million dollar digani bu yerga umuman 1 million dollar ketmagan buni hamma biladi, prokuratura tekshiruv o'tkazsin arzimagan kavlash bilan biton qilishga buncha ketmidi uzim qurishdan habarib bor yeb ichvorgan bular, hali hudo hohlasa prezidentimizgacham yetib borsin tamikayev janoblarini kuramiz ahvolarini
BU YOLG'ONCHI, HALQNI ALDAB KELAYOTGAN MUTASADDILARNI OLDI QOCHTI GAPI DARAHTNI AYDONR QILISHINI MURAT BILDING KISLAROD QURAR JOYIDA 71 TA DARAHI KESIB TASHADI HICHKIM INDAMADI ZANGIOTA TUMAN HOKIMI HOLASA BUTUN ZANGIOTA TUMANIDI DARAHLANI KESIB TASHASHGA QODIR, BU TUMAN HOKIMLARINI PREZIDENTIMIZ HALI BILMIYABDILA BIR AGAR BULANI QIVOTGAN ISHLARINI SURISHTURUV BOSHLASIN SHU DARAHI KRAYNI QIVOTGAN OKANI UZI BIRINCHILARIDAN UCHADILA, HOKIM BUVAGA HALQ QANAQA AIYNALVOTGANI UMUMAN QIZUMAS UZLARI TEKIS YULDAN TUGRI BORADILA, HALI PREZIDENTIMIZGAYAM YETIB BORADI HUDOD HOHLASA ISHDAN OLINSINLA KURAMIZ BOSHQA HOKIM QANCHADA QURIB TAHSASHINI