Qimmatbaho soatlar ma’lum bir iqtisodiy va ijtimoiy mavqeni namoyish qilishning eng ta’sirli usullaridan biridir. Bir necha o‘n yillar davomida ular jamiyatdagi yuksak mavqening ramzi hisoblangan. Harper’s Bazaar Kazakhstan nashri tarixda qimmatligi bilan ajralib turadigan soatlar ro‘yxatini taqdim etdi.
Qiymati bir necha million dollardan ortiq bo‘lgan qimmatbaho toshlar bilan qoplangan soatlar Haute Horlogerie deb nomlangan maxsus sinfga tegishli. Bu atama birinchi marta Shveysariyada paydo bo‘lgan va to‘g‘ridan to‘g‘ri “yuksak soat san’ati” deb tarjima qilinadi.
Cartier Secret Phoenix Decor soati — 3,8 million dollar
Merveilles du Nil de Cartier kolleksiyasidagi ushbu noyob buyum zargarlik uyidan sotib olish mumkin bo‘lgan eng qimmat soatdir. Ularning “maxfiy” deb atalishining sababi siferblatning o‘zi porloq qaqnus ichida yashiringanligidir. 18 karat oq oltindan iborat soatning umumiy qiymati 80 karat bo‘lgan 3010 ta ortiq olmos, zumrad va bitta portretli nok shaklidagi olmos bilan bezatilgan.
Hublot Big Bang soati— 6,86 million dollar
Jenevada joylashgan hashamatli soat ishlab chiqaruvchi Hublot Big Bang liniyasini birinchi marta ushbu soatni 2005-yilda taqdim etgan. Ushbu modelning ahamiyatli jihati shundaki, u eksklyuziv materiallardan tayyorlangan: Magic Gold — oltinning keramik qotishmasi, King Gold — pushti oltin va platina hamda uglerodning qotishmasi. Soat har biri uch karatdan kam bo‘lmagan 1280 dona olmos bilan bezatilgan. Har bir tosh 40 yildan ortiq tajribaga ega amerikalik zargar tomonidan kesilgan.
Patek Philippe Calibre 89 soati— 9,8 million dollar
Ilgari Patek Philipe Calibre 89 dunyodagi eng murakkab soat nomiga ega edi. Bunda, albatta, soat funksionalligining xilma-xilligi nazarda tutilardi. Ushbu esdalik soati 1989-yilda kompaniyaning 150 yilligini nishonlash uchun yaratilgan. Hammasi bo‘lib to‘rtta model ishlab chiqarilgan: sariq, pushti, oq oltin va platina.
Vacheron-Konstantin Ref. 57260 — 9,8 million dollar
Vacheron-Konstantin’ning eng mashhur va murakkab buyumlaridan biri hisoblangan bu cho‘ntak soatining og‘irligi 957 kilogramm. Vacheron-Konstantin sakkiz yil davomida 2826 ta alohida bo‘lakdan iborat bu sehrli oq oltin parchasini yaratishga muvaffaq bo‘ldi.
Ularning funksiyasini to‘liq sanab o‘tish uchun juda uzoq vaqt kerak. Asosiylarini aytganda, soat quyidagilarni o‘z ichiga oladi: astronomik va oy taqvimlari, quyosh chiqishi va botishi vaqtlari, yulduz xaritasi va boshqalar.
Rolex “Paul Newman” Daytona Ref. 6239 — 24,2 million dollar
Rolex Daytona Ref. 6239 2017-yilda kim oshdi savdosiga qo‘yilgan va eng qimmat soatlar deb topilgan. Dastlab Pol Nyuman uni rafiqasi Joan Vudvorddan sovg‘a sifatida olgan. Shuning uchun soatning orqa qismida “Drive Carefully Me” yozuvi bor. Nyumanning o‘limidan so‘ng soat kim oshdi savdosiga qo‘yilgan.
Jacob & Co. Milliarder soati — 27,7 million dollar
Jacob & Co soati og‘ir vaznli bokschi Floyd Meyvezer Konor MakGregorni ringda mag‘lub etganidan keyin sotib olgan birinchi narsa bo‘ldi. Ushbu model 325 ta baget va zumraddan kesilgan olmoslar va zamonaviy dizaynga ega.
Chopard 201-Carat Watch — 29,5 million dollar
Chopard dunyodagi eng hashamatli va uzoq vaqtdan beri mavjud zargarlik uylaridan biri hisoblanadi. Ushbu modelda 874 ta yuqori sifatli rangli olmoslar mavjud, ular orasida 15 karat pushti olmos, 12 karat ko‘k olmos va 11 karat oq olmos joy olgan. Chopard mexanik soatining haqiqiy sehri yashirin tugma bosilganda namoyon bo‘ladi, bu esa egasiga uchta eng katta gulbargga o‘xshash toshni ochish va soatning ajoyib siferblatini ko‘rish imkonini beradi.
Breguet Mari-Antoinette Grande Complication Pocket Watch — 44,3 million dollar
Breguet Grande Marie Antoinette nafaqat san’at asari, balki butun bir hikoyadir. 1782-yilda mashhur fransuz qirolichasi Mari Antuanettaning sevgilisi, o‘sha davrning eng zo‘r soatsozi Abraham-Lui Breyjga ushbu soat dizaynini topshirdi. Ammo Uyg‘onish davrida tez ishlash uchun texnologiya yetarli emasligi sababli bu durdonani yaratish uchun unga 44 yildan ortiq vaqt kerak bo‘ldi.
Afsuski, qatl tufayli Mari Antuanetta soatni ko‘ra olmagan, ammo uning model nomidagi ismi keyingi yillarda cho‘ntak soatiga qo'shimcha qiymat berdi.
Graff Diamonds Hallucination — 75 million dollar
Dunyodagi eng qimmat soat nomini olgan Graff Diamonds Gallucination hashamat olamining haqiqiy marvarididir. Soat 110 karatdan ortiq noyob kesilgan olmos va platina bilaguzuk bilan jihozlangan. U birinchi marta 2014-yilda Baselworld — xalqaro soatlar, zargarlik buyumlari va qimmatbaho sanoatning jahon ko‘rgazmasida taqdim etilgan. Ushbu soatni yaratish g‘oyasi Lorens Graffning o‘ziga tegishli bo‘lib, uning g‘oyasini hayotga tatbiq etish uchun zargarlar ming soatga yaqin vaqt sarflagani xabar qilinadi.
Izoh (0)