Jahon Savdo Tashkiloti global savdo o‘sish prognozini pasaytirdi

Jahon Savdo Tashkiloti (JST) 2023-yilda jahon savdosi atigi 1 foizga o‘sishini prognoz qilmoqda. Bu haqda “Kommersant” xabar berdi.

Bu ko‘rsatkich avvalroq prognoz qilingan 3,4 foizdan kamaydi. Shu bilan birga, JST joriy yilda jahon savdosining o‘sishi prognozini biroz yaxshiladi — aprel oyida prognoz qilgan 3 foizdan 3,5 foizgacha.

Global savdo 2022-yilning ikkinchi yarmida jadallikni yo‘qotishi va 2023-yilda ham bu davom etishi kutilmoqda, chunki global zarbalar iqtisodiyotga og‘irlik qiladi, — dedi JST.

Tashkilot tahlilchilarining fikriga ko‘ra, bu turli mintaqalardagi omillar bilan bog‘liq: Yevropada — energiya narxining ko‘tarilishi, AQSHda — pul-kredit siyosatining keskinlashishi va Xitoyda — COVID-19 tufayli lokdaunlar va global talabning pasayishi.

JST 2022-yil uchun YIM o‘sishi prognozini 2,8 foiz darajasida saqlab qoldi. 2023-yil uchun YIM o‘sishi prognozi 3,3 foizdan 2,3 foizga yomonlashdi.