Tailandning turizm mutasaddilari ko‘proq sayyohlar kelishiga umid qilib, Markaziy Osiyoning ikki davlati — O‘zbekiston va Qozog‘istonni kuzatmoqda. Bu haqda Thaiger nashri xabar bermoqda.
Ikki mamlakat sayohatchilari Tailandga tashrif buyurishdan manfaatdor, dedi dushanba kuni Turizm vaziri Fifat Ratchakitprakarn.
Fifat Tailand 1-oktabrdan boshlab vizani 15 kundan 30 kunga uzaytirganidan so‘ng qozoq va o‘zbekistonlik sayyohlar qiziqish ko‘rsata boshlaganini ta’kidladi.
Joriy yilning 8 oyida Tailandga O‘zbekistondan 2,5 mingga yaqin odam tashrif buyurgan.
Turizm vazirligi yil oxirida bu ko‘rsatkich 8,5 mingtaga yetishini kutmoqda. 2019-yilda Tailandga kelgan o‘zbekistonlik sayyohlar soni 19 ming nafarni tashkil etgan edi.
Fifet o‘zbekistonlik sayyohlar yuqori xarajat qobiliyatiga va yetib kelganda viza olish huquqiga ega ekanligini, biroq mamlakatda hozirda Tailandga to‘g‘ridan-to‘g‘ri reyslar yo‘qligini ta’kidladi.
Air Astana esa 30-oktabrdan Qozog‘istonning Olmaota shahridan Bangkok va Pxuketga har kuni to‘g‘ridan-to‘g‘ri reyslarni yo‘lga qo‘yishni rejalashtirmoqda.
Sunday Airlines bu qishda Qozog‘istonning bir qancha shaharlaridan Pxuket va U-Tapaoga yangi reyslarni qo‘shishni reja qilgan. Bu shaharlarga Olmaota, Ostona, Kostaniy, Chimkent va Uralsk kiradi.
Joriy yilning dastlabki bir necha oylarida Tailandga 22 mingga yaqin qozog‘istonlik tashrif buyurdi, deb xabar berdi Nation Thailand.
Turizm vazirligining fikricha, yil oxirigacha bu raqam 55 mingga yetishi mumkin. Bu koviddan oldingi kunlardagi qozoq sayyohlari soniga teng bo‘ladi. 2019-yilda Tailandga 56 ming qozog‘istonlik sayyoh kelgan.
1-yanvardan 8-sentabrgacha Tailandga 5 milliondan ortiq sayyoh kelgan. Sayyohlarning eng katta guruhi Malayziyadan kelgan — 751 ming kishi.
Izoh (0)