Bugun,

  • USD 11095.31
  • RUB 173.84
  • EUR 10772.44

Bolgariya prezidenti Rumen Radev Ukrainaning tezlashtirilgan tartibda NATOga qo‘shilishini qo‘llab-quvvatlayotgan Markaziy va Sharqiy Yevropaning to‘qqizta davlati prezidentlarining bayonotiga qo‘shilishdan bosh tortdi.

Foto: “RIA Novosti”

Foto: “RIA Novosti”

Gap 2-oktabr kuni tarqatilgan bayonot haqida ketmoqda — uni Markaziy va Sharqiy Yevropadan NATOga a’zo to‘qqizta davlat prezidentlari imzolagan edi, unda alyans Ukrainaga harbiy yordamni sezilarli darajada oshirishga chaqirilgan.

“Bolgariya NATOning 2008-yilgi Buxarest sammitida Ukrainaning kelajakda alyansga kirishiga oid deklaratsiyaning bir qismidir, ammo bu deklaratsiya butunlay boshqacha xavfsizlik muhitida qabul qilingan edi”, — deya qarorini izohladi Bolgariya rahbari matbuot xizmati.

“Ukraina hududidagi harbiy amaliyotlar bugungi kunda uning alyansga a’zoligi Shimoliy Atlantika kengashi doirasida to‘liq muhokama qilinishini va bu NATO davlatlarining urushga bevosita aralashuvi xavfini tug‘dirmasligini talab qiladi”, — dedi Radev.

Uning so‘zlariga ko‘ra, Ukrainaning NATOga kirishi haqidagi qaror Ukraina va Rossiya “mojaroni tinch yo‘l bilan hal qilishning aniq parametrlari”ni kelishib, amalga oshirgandan keyingina qabul qilinishi kerak.

Ukraina NATOga tezlashtirilgan tartibda a’zo bo‘lish uchun ariza topshirdi

Ukraina prezidenti Vladimir Zelenskiy mamlakat hududlarining Rossiya tomonidan anneksiya qilinishi fonida tezlashtirilgan tartibda NATOga a’zo bo‘lish uchun ariza topshirgan edi. Uning so‘zlariga ko‘ra, Kiyev va NATO allaqachon “de-fakto ittifoqchilar”, ammo bu maqom hujjatlashtirilishi kerak. Jarayon davomida Ukraina o‘zi uchun xavfsizlik kafolatlari bo‘yicha muzokaralar olib borish niyatida.

NATO bosh kotibi Yens Stoltenberg Ukrainaning alyansga qo‘shilish haqidagi arizasiga izoh berar ekan, NATOga a’zolik to‘g‘risidagi qaror 30 davlatning barchasi tomonidan qabul qilinishi kerakligini, hozirda alyans Ukrainaga Rossiyaning shafqatsiz bosqinidan o‘zini himoya qilish uchun tezkor yordam berishga e’tibor qaratayotganini aytdi.

Oq uy jarayonni boshqa vaqtda muhokama qilish kerak, deb hisoblamoqda.

Yevropaning 9 mamlakati — Polsha, Chexiya, Estoniya, Latviya, Litva, Shimoliy Makedoniya, Chernogoriya, Ruminiya va Slovakiya Ukrainaning NATOga qo‘shilishini qo‘llab-quvvatlab chiqdi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi