Bugun,

  • USD 11095.31
  • RUB 173.84
  • EUR 10772.44

IT Park xorijda ishlayotgan o‘zbekistonlik IT-mutaxassis Boburjon Rahmonov haqida hikoya qiladi. Boburjon 34 yoshda. 2011-yilda Jahon iqtisodiyoti va diplomatiya universitetini tamomlagan.

Foto: IT Park

Foto: IT Park

Hozirda u Floridada yashaydi va Centene korporatsiyasida Senior Business Intelligence Data Engineer lavozimida ishlaydi. Kompaniya shtab kvartirasi Missuri shtatida joylashgan.

U chet elga qanday borib qolgan?

Boburjonning xotirlashicha, ko‘chib o‘tish haqidagi fikrlar o‘qishni tugatgandan keyin paydo bo‘la boshlagan.

2011-yilda Jahon diplomatiyasi va iqtisodiyot universitetini tamomlab, O‘zbekistondagi Koreya kompaniyasida bir yarim yil ishlab, malakamni oshirdim. O‘shanda ham Koreya, Yaponiya va AQSH universitetlariga magistraturaga hujjat topshira boshladim. Meni juda xursand qilgan narsa shuki, birdaniga bir nechta universitetlar meni qabul qilishga tayyor edi.

Ushbu universitetlardan biri Linkoln universiteti — Oklendda (AQSH, Kaliforniya) joylashgan xususiy universitet edi. Shunday qilib, 2013-yil yanvar oyida Boburjon San Fransiskoga ko‘chib o‘tgan.

Boburjon nima uchun, xususan, AQSHni tanladingiz, degan savolga: yaxshi sharoit va imkoniyatlar bor, deb javob berdi.

Asosiy maqsadim ta’lim olish, malakamni oshirish va xalqaro biznes tajribasini o‘rganish edi. Men Amerikada juda katta tajriba to‘plashim mumkinligini va oldimda cheksiz imkoniyatlar ochilishini tushundim. Lekin qiziq tomoni shundaki, men IT sohasida ishlayman deb hech o‘ylamaganman. O‘shanda bu menga bir ushalmas orzu bo‘lib tuyulardi.

U qanday qiyinchiliklarga duch kelgan?

Boburjon viza olishda hech qanday muammoga duch kelmagan, umuman ko‘chib o‘tish jarayoni oson kechgan. Shundan keyin qiyinchiliklar paydo bo‘lgan — o‘qish, uy-joy va oziq-ovqat uchun ko‘p pul kerak edi. Shu sababli, Boburjon o‘qish bilan bir qatorda tungi vaqtda pitseriya va fransuz restoranida ishga joylashdi.

Xorijdagi hayotning o‘ziga xos qiyinchiliklari va mashaqqatlari bor. Atrofda qarindoshlar va do‘stlar bo‘lmasa, siz ko‘nikkan yordam bo‘lmasa qiyin. Pul yetishmasligi eng qiyin sinov edi. Lekin umidsizlikka tushmaslik kerak, — deydi u.

Boburjonning ta’kidlashicha, u JIDUda olgan bilim va tajribasi tufayli hech qachon ortga chekinmaslik, qattiq mehnat qilish va faqat oldinga intilishni o‘rgangan. Muammolar esa asta-sekin kamaygan va yangi mamlakatdagi hayotga moslashgan.

Nega aynan AQSH?

Boburjon hozirda Centene korporatsiyasida faoliyat olib bormoqda. Centene korporatsiyasi tibbiy xizmatlar va sog‘liq sug‘urtasi bilan shug‘ullanuvchi AQSHning eng yirik korporatsiyalaridan biridir.

Boburjonning asosiy vazifalari quyidagilardan iborat: tibbiy xizmat ko‘rsatuvchi provayderlar va foydalanuvchilarning ma’lumotlar xavfsizligini ta’minlash, shuningdek, biznes uchun ma’lumotlarni tahlil qilish va backenddagi ma’lumotlarni standartlashtirish.

Foto: IT Park

Foto: IT Park

Uning Ogayodagi eng so‘nggi loyihalaridan biri Molina Healthcare bazasini federal Medicaid dasturi bilan integratsiyalash bo‘lgan. Ushbu dastur bilan yuz minglab odamlar qamrab olingan va u hozirda kompaniyaga bulutli hisoblash imkoniyatlarini olib kelish va uni qo‘llab-quvvatlash loyihasi ustida ishlamoqda.

Hikoya qahramoni ta’kidlaganidek, Qo‘shma Shtatlarda xususiy sektorda IT-mutaxassislariga talab juda yuqori va bu bozor deyarli davlat tomonidan ma’muriy yoki boshqa aralashuvlarga uchramaydi.

Men IT sohasining davlat sektoriga bog‘liqligini deyarli his qilmadim. Davlat, har qanday xususiy kompaniya kabi, loyihalarni amalga oshirish uchun IT-mutaxassislarini yollaydi. Hozirda IT-mutaxassislar uchun yaratilgan shart-sharoitlardan biri shundaki, ularga uydan turib yoki ish joyining bir qismi yoki butun ofisida ishlashga ruxsat berilgan.

Bundan tashqari, maosh yuqori. Agar mutaxassis IT konferensiyasida qatnashmoqchi bo‘lsa, uning xarajatlarini ko‘plab kompaniyalar to‘laydi. IT-kompaniyalar o‘z mutaxassislariga imkon qadar ko‘proq sarmoya kiritadilar va ularni rag‘batlantiradilar, — deb tushuntiradi mutaxassis.

O‘zbekistonning IT-sohasini qanday baholaydi?

Boburjon so‘nggi yillarda O‘zbekiston IT-sanoatida ro‘y bergan o‘zgarishlarni alohida qayd etadi.

O‘zbekistonda IT sohasi albatta ijobiy o‘zgarishlarni boshdan kechirmoqda va faol rivojlanmoqda. Lekin, afsuski, xususiy sektorda talab hali ham juda past, shuning uchun u yetarlicha rivojlanmayapti, — deydi u.

Unga ko‘ra, ko‘pgina loyihalar davlat tomonidan moliyalashtirilgani uchun yetarli budjetga ega emas. Ammo shunga qaramay, IT-mutaxassislar juda malakali va kuchli.

O‘zbekistonlik mutaxassislar uchun bozor ochilsa, ular o‘zini yaxshi ko‘rsata olishiga, hurmat qozonishiga ishonchi komil. Bu, o‘z navbatida, o‘zbek mutaxassislariga bo‘lgan ishonchning oshishiga, yirik IT markazlarning ochilishiga olib kelishi mumkin.

Bundan tashqari, mening hududimdan kelib chiqib, O‘zbekistonda bulutli hisoblash — Azure, AWS, GoogleCloud, Snowflake va boshqalar jadallashtirilsa, yaxshi bo‘lardi. Hozir barcha kompaniyalar ushbu texnologiyaga o‘tmoqda va unga talab juda yuqori. Bularning barchasi yaqin kelajakda O‘zbekistonda paydo bo‘lishiga chin dildan umid qilaman, — deydi hikoya qahramoni.

Yosh IT mutaxassislariga qanday maslahat bergan bo‘lar edi?

Boburjon yosh dasturchilarga ko‘p o‘qib-o‘rganishni, o‘zlariga va kuchli tomonlariga ishonishni maslahat beradi.

Bu yo‘nalishga endigina kirganlarga sabr qilishni maslahat bergan bo‘lardim. IT-soha faol rivojlanmoqda, siz doimo o‘z ustingizda ishlashingiz kerak. Kamida 1 yoki 2 tilni o‘rganishni unutmang, bu muvaffaqiyatli karyera qurishda yordam beradi. Albatta, barcha yoshlarga omad tilab, ushbu sohada o‘z o‘rinlari uchun kurashishda davom etishlarini tilayman, — deb so‘zlarini yakunlaydi Boburjon.

Izoh
Asosiy yangiliklar
Dunyo
Suriyadagi kurdlar Rossiyadan hududlarini himoya qilishda yordam so‘radi
Mahalliy
O‘zbekistonda 2023-yilda meva va sabzavotlar narxi jiddiy o‘sishi kutilmoqda
Dunyo
Kim Chen Ir topshirig‘i bilan uyushtirilgan terakt, samolyot boshqarib halokatga uchragan “Formula-1” chempioni va nemislar tomonidan qatl etilgan Kosmodemyanskaya...