Veterinariya va chorvachilik sohasida ko‘krak nishonlarini berish tartibi belgilandi

Vazirlar Mahkamasi qarori bilan “O‘zbekiston Respublikasi veterinariya fidoyisi” va “O‘zbekiston Respublikasi chorvachilik fidokori” ko‘krak nishonlari to‘g‘risidagi nizomlar tasdiqlandi. Bu haqda Telegram’dagi “Huquqiy axborot” kanalida ma’lum qilindi.

Ko‘krak nishonlari bilan quyidagilar taqdirlanadi:

• “O‘zbekiston Respublikasi veterinariya fidoyisi” ko‘krak nishoni bilan — veterinariya sohasini rivojlantirish, sohada nazoratni kuchaytirish va xizmatlar sifatini oshirish, epizootik osoyishtalik, oziq-ovqat mahsulotlari xavfsizligini ta’minlashga munosib hissa qo‘shgan fuqarolar;
• “O‘zbekiston Respublikasi chorvachilik fidokori” ko‘krak nishoni bilan — chorvachilikni rivojlantirish, chorva mollari naslini yaxshilash, ozuqa bazasini mustahkamlashga munosib hissa qo‘shgan shaxslar.

Xulosalar asosida qo‘mita raisining ko‘krak nishoni bilan taqdirlash to‘g‘risidagi buyruqlari qabul qilinadi. Ko‘krak nishonlari har yili 1-sentabr – Mustaqillik bayrami arafasida tantanali topshiriladi.

Ko‘krak nishonlari bilan taqdirlanganlarga BHMning 4 baravari (1,2 million so‘m) miqdorida biryo‘la to‘lanadigan pul mukofoti va esdalik sovg‘alar beriladi.