Bugun,

  • USD 11014.01
  • RUB 191.8
  • EUR 10674.78

Turkiya Markaziy banki (TCMB) asosiy stavkasini 100 bazaviy punktga pasaytirib, 12 foizga tushirdi. Bu haqda bank matbuot xizmati xabar bermoqda.

Foto: Bloomberg

Foto: Bloomberg

Qayd etilishicha, qaror global iqtisodiy faollikning sekinlashishi fonida qabul qilingan. 

Geosiyosiy xatarlarning butun dunyo bo‘ylab iqtisodiy faoliyatga susaytiruvchi ta’siri kuchayishda davom etmoqda. Kelgusi davr uchun global o‘sish prognozlari pastga qarab yangilanishda davom etmoqda va retsessiya muqarrar xavf omili ekanligi haqidagi taxminlar keng tarqalmoqda, — deyiladi  bank xabarida. 

Turkiya regulyatorining ma’lum qilishicha, energiya narxlarining oshishi hamda talab va taklif o‘rtasidagi nomuvofiqlik tufayli inflyatsiya kutilganidan uzoqroq o‘sishda davom etadi.

Avgust oyida Allianz and Barclays sug‘urta kompaniyasi rahbarlaridan biri Mohamed al-Erian Turkiyada iqtisodiyotning asosiy qonunlari e’tibordan chetda qolayotganini aytgan edi.

2021-yilning noyabrida Turkiya prezidenti Rajab Toyyib Erdo‘g‘on stavkalarni pasaytirish uchun “kurashga” va’da bergan edi.

Bu Rajab Toyyib Erdo‘g‘onning prinsipial pozitsiyasidir. Ikki yil ichida u regulyator stavkani oshirganidan so‘ng Markaziy bankning uchta rahbarini ishdan bo‘shatgan.

Regulyator qaroridan so‘ng turk lirasi dollarga nisbatan 0,3 foizga tushdi. Ayni paytda 1 dollar 18,4 lira bo‘lib turibdi. Markaziy bank oxirgi marta 18-avgustda asosiy stavkani tushirgan edi

Izoh
Asosiy yangiliklar
Mahalliy
“Andijonda sodir etilgan mudhish qotillik yuzasidan mahalla mas’ullari va hudud noziriga nisbatan xizmat tekshiri tayinlangan” — Bosh prokuratura
Mahalliy
O‘zbekiston internetda mualliflik huquqlarini himoya qilishga oid xalqaro bitimni tasdiqladi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi