Bugun,

  • USD 11095.31
  • RUB 173.84
  • EUR 10772.44

Kecha prezident Shavkat Mirziyoyev raisligida ichki va tashqi turizm salohiyatini yanada oshirish chora-tadbirlari yuzasidan videoselektor yig‘ilishi bo‘lib o‘tdi. Yig‘ilishda bir necha hokimlar bilan birga Samarqand viloyatining Urgut tumani hokimi ham ishdan olinib, o‘zgarish qilishi uchun uch oy sinov muddati berildi. “Daryo” muxbiri Farhod Norbo‘tayev Urgut hokimi Botir Jabborov bilan suhbatlashib, tanqiddan qilingan xulosa va muammoni bartaraf etish maqsadida qilinayotgan rejalari haqida so‘radi.

Botir Jabborov.

Botir Jabborov.
Foto: Urgut tumani hokimligi
Davlatimiz rahbari raisligida mamlakatimizning ichki va tashqi turizm salohiyatini yanada oshirish chora-tadbirlari yuzasidan videoselektor yig‘ilishi davomida, xizmat ko‘rsatish bo‘yicha tanqid ostiga olingan tumanlar qatoridan o‘rin olganimiz bizni chuqur mulohazaga, tegishli xulosalar chiqarishga undadi. Urgut tumani Samarqand viloyatining salohiyati yuqori tumanlaridan biri bo‘lsa-da, turizm sohadagi ishlar yetarli darajada tashkil etilmayotganini anglab yetdik. Turizm xizmatlari sohasida yo‘l qo‘yilgan kamchiliklarga barchamiz birdek mas’ulmiz. Xalq farovonligi uchun bu boradagi ishlarni izchil davom ettirish va mas’ullar faoliyatini tahlil qilib borish maqsadida, haftaning har juma kunini turizm kuni sifatida belgiladik hamda kelgusida Xalq deputatlari Urgut tuman Kengashiga har chorakning yakuni bilan tuman hududida sohada olib borilayotgan ishlari to‘g‘risida mas’ullar hisobot berib boradi”, — deydi Botir Jabborov.
Aytilishicha, Urgut tumani Zarafshon tog‘ tizmasi yon bag‘rida joylashganligi va mo‘tadil tabiati bilan ichki va tashqi turizmni rivojlantirishi uchun juda qulay hisoblanadi. Shu boisdan ham tumanining turizm salohiyatidan kelib chiqib, ekoturizm, ziyorat turizmi va xizmat ko‘rsatish yo‘nalishlarida 11 ta mahalla turizm hududi sifatida belgilab olingan.

Bundan tashqari hozirgi kunda o‘zining betakror tabiat manzaralari bilan xorijlik va mahalliy sayohlarni o‘ziga jalb qilib kelayotgan Tersak turizm qishlog‘ida 25 ta uy mehmonxona faoliyati yo‘lga qo‘yilgan. Shundan 5 ta uy mehmonxonasi tomonidan joriy yilning shu kuniga qadar Yevropa mamlakatlarining turli davlatlaridan tashrif buyurgan 500 nafarga yaqin xorijlik mehmonlarga xizmat ko‘rsatilgan.

Yana bir obyektga e’tibor qaratadigan bo‘lsak, o‘zingizga ma’lumki, xalqaro M-39-avtomagistral yo‘lining Urgut tumani hududidan o‘tuvchi “Taxtiqoracha” dovonining boshlanish joyida “Teshiktosh” obyekti joylashgan. U ikki ulkan qo‘chqorning bir-biri bilan shoxlashib turishiga o‘xshaydi. Germaniyalik kinoijodkorlar suratga olgan mashhur “Apachi” filmi huddi ana shu joylarda suratga olingan. Bu joy ushbu yo‘ldan o‘tuvchi xorijiy va mahalliy turistlarning doimiy to‘xtash joyiga aylangan”, — deydi hokim.
Botir Jabborovning ta’kidlashicha, joriy yil yakuniga qadar Urgut tumanida “Natural Dray Fruits” xususiy korxonasi tomonidan tumandagi Qoratepa suv ombori hududidan Ekoturizmni rivojlantirish va mehmonxona xizmati, dam olish maskanlari tashkil etiladi. Shuningdek, “Zamin travel” MCHJ tomonidan Omonqo‘ton mahallasi hududida joylashgan sobiq “Do‘stlik” bolalar sog‘lomlashtirish oromgohi bino inshooti o‘rnida turizm zona va mehmonxona hamda yozgi bolalar oromgohi tashkil etiladi. “Ishtixon Gold Grapes Expart” MCHJ investitsiyaviy va ijtimoiy majburiyatlar belgilangan holda zamonaviy xususiy klinika, sihatgoh hamda nuroniylar maskanlarini tashkil etiladi.
Bu turizm maskanlarining ochilishi xizmat ko‘rsatishni rivojlantirishga o‘z hissasini qo‘shadi. Qolaversa, bular bilan cheklanib qolmoqchi emasmiz, Misr Arab Respublikasining O‘zbekiston Respublikasidagi Favqulodda va muxtor elchisi Amira Faxmin boshchiligidagi delegatsiya (Axmed Zidan investor) Urgut tumanidagi tadbirkorlar bilan uchrashish va Chor-chinor mahallasidagi tog‘ tizmasida Ekoturizmni rivojlantirish va kanat yo‘llarini qurish loyihasi bilan tanishish maqsadida tashrif buyurishdi hamda loyihani amalga oshirish mexanizmi bilan tanishishdi. Loyiha 2022—2023-yillarda uch bosqichda amalga oshiriladi. Birinchi bosqichda 100 o‘rinli mehmonxona kompleksini qurish. Ikkinchi bosqichda 2 kilometr kanat yo‘llarini qurish va ekoturizmni rivojlantirish va uchinchi bosqichda 100 o‘ringa mo‘ljallangan sanatoriya va davolash muassasasini barpo etish ko‘zda tutilgan. Bugungi kunda ushbu loyihani amalga oshirish yuzasidan investorlarni jalb qilish bo‘yicha muzokaralar olib borilmoqda”, — deydi tuman hokimi Botir Jabborov.
Qo‘shimcha qilinishicha, mazkur loyiha amalga oshsa jami 50 million dollarlik to‘g‘ridan to‘g‘ri xorijiy investitsiyalar kiritilishi ta’minlanadi.
Tumanimiz hududida turistlar uchun qulayliklarni ko‘paytirish, xorijiy investorlarni jalb qilgan holda yangi turistik obyektlarni barpo qilish ishlarni jadallashtirish, sayyohlarning tumanda bo‘lish muddatlarini uzaytirish va ularga yanada sifatli xizmat ko‘rsatishni yo‘lga qo‘yish orqali sohada ulkan yutuqlarga erishishni oldinga asosiy maqsad qilib qo‘ydik”, — deydi Botir Jabborov.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Mahalliy
Vazirlikning 8 mlrdga tushgan sayti, qashqadaryolik ota-o‘g‘ilning Toshkentni “lol qoldirgan” qilmishi: “Daryo”da hafta dayjesti
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi