Ozarbayjonning AZAL milliy aviakompaniyasi (Azerbaijan Airlines) Bokudan Samarqandga parvozlarni yo‘lga qo‘yadi va Toshkentga parvozlar sonini oshiradi. Bu ma’lumotni turizm va madaniy meros vaziri Aziz Abduhakimov tasdiqladi.
Ushbu aviakompaniya Samarqandga parvozlarni oktabrdan boshlab yo‘lga qo‘yishni rejalashtirmoqda. Aviaqatnovlar haftasiga ikki marta — seshanba va juma kunlari amalga oshiriladi.
Aviakompaniya, shuningdek, Toshkent—Boku—Toshkent yo‘nalishi bo‘yicha parvozlar sonini haftasiga 5 martaga oshiradi. Hozirda ikki poytaxt o‘rtasida muntazam qatnovlar dushanba, chorshanba va shanba kunlari amalga oshirilmoqda. Tez orada payshanba va yakshanba kunlari ham amalga oshiriladi.
Izoh (0)