Gollivudning dunyoga mashhur aktyori Jeyson Momoa o‘zining uzun sochini oldirdi. U bu haqdagi videoni Instagram’dagi sahifasiga joylashtirdi. U dunyo bo‘ylab plastik idishlar sonini kamaytirish kerakligini aytib, o‘z g‘oyasiga qo‘shilishga chaqirdi.
Yulduz yangi, qisqaroq soch turmagida ko‘rinish berdi va plastikdan ifloslanish muammolariga e’tibor qaratdi.
“Hammaga salom. Sochlarni oldirish. Men u yerda hech qachon shamolni his qilmaganman. Plastik idishlardan charchadim. To‘xtashimiz kerak. Plastik vilkalar — bu axlat. Hammasi bizning yerimizga, okeanga kirib boradi. Bu juda achinarli, shuning uchun bir marta ishlatiladigan plastmassani hayotingizdan chiqarib tashlash uchun qo‘lingizdan kelganini qiling. Menga yordam bering. Yangi boshlanishlar uchun, keling, tarqataylik”, — deydi aktyor.
Ma’lumki, Momoaning o‘ziga xos uzun sochlari yillar davomida uning imijining ajralmas qismi bo‘lib kelgan va yulduzning soch aksessuarlariga bo‘lgan muhabbati shunchalik kuchli ediki, u hatto o‘zining sochi uchun bog‘lamalar to‘plamidan ham voz kechdi.
Momoa 2018-yilda Daily Telegraph nashriga bergan intervyusida sobiq sevgilisi Liza Bona haqida: “Sochimni kestirsam, xotinim meni tashlab ketar edi, shuning uchun sochimni kesmayman”, — degan edi.
Mavzuga doir:
- “Akvamen” yulduzi Jeyson Momoada koronavirus aniqlandi.
- Jeyson Momoa “Akvamen”ning saratonga chalingan yosh muxlisi bilan videoqo‘ng‘iroq orqali bog‘lanib, ijtimoiy tarmoq foydalanuvchilarini ta’sirlantirdi (video).
- Taniqli aktyor Jeyson Momoa “Taxtlar o‘yini”dan so‘ng moddiy qiyinchiliklarga uchraganini ma’lum qildi (foto).
- “Taxtlar o‘yini” seriali aktyorlarining avtomobillari: Jeyson Momoa, Sofi Terner va boshqalar qanday mashinalarda yuradi? (foto).
Izoh (0)