Koreys yoshlari dehqonchilik uchun qishloqlarga ko‘chib o‘tmoqda
Janubiy Koreyada 2021-yilda 380 mingga yaqin odam qishloqlarga ko‘chib o‘tdi, bu 2015-yilga nisbatan 15 foizga ko‘p. Bu haqda The Economist xabar bermoqda.
Janubiy Koreyalik Kim Ji In Seulda yashaganida, yaxshi ish va yashash uchun munosib joy topish haqida qayg‘urardi.
Endi esa Kim qurg‘oqchilik u yetishtirayotgan kartoshka va makkajo‘xori hosiliga putur yetkazishidan xavotirda.
23 yoshli qiz va uning singlisi o‘tgan yili Janubiy Chungcheong provinsiyasidagi Nonsan shahrida fermer xo‘jaligini boshlagan. Uning birinchi hosili muvaffaqiyatli bo‘ldi.
Kim xonim kvichon yoki qishloq hayotiga qaytish deb ataladigan hodisaning bir qismidir.
Ming yillar oldin ishlab chiqilgan bu atama iqtisodiy qiyinchiliklar davrida, shahar aholisi o‘z qishloqlariga qaytib, dehqonchilik bilan shug‘ullanishga majbur bo‘lganda paydo bo‘lgan.
Bu safar kvichon hodisasi pandemiyadan so‘ng sodir bo‘ldi. Kim xonim kabi ko‘plab yangi fermerlar ilgari hech qachon qishloqda yashamagan. Hukumat ularni rag‘batlantiradi.
Qishloqda yosh fermerlarni ko‘paytirish orqali hukumat kelajakda katta foyda olishga umid qilmoqda.
Hozircha reja ishlamoqda va o‘tgan yili 380 mingga yaqin odam qishloqlarga ko‘chib o‘tdi. Ularning yarmi 40 yoshdan kichik va bu rekord ko‘rsatkich.
