Qayta ishlangan meva-sabzavotlarning jahon bozori 2027-yilga borib 63 foizga o‘sadi

AQSHning Global Market Insights bozor tadqiqotlari kompaniyasi hisobotiga ko‘ra, meva-sabzavotlarni qayta ishlash bozori 2027-yilga borib, 467 milliard dollardan oshishi kutilmoqda. Bu 2020 yildagi 287 milliard dollardan 63 foizga o‘sish deganidir, deya xabar berdi Fruit-inform’ga tayanib EastFruit.  

Jahonning barcha mintaqalarida qayta ishlangan meva-sabzavotlarni sotish hajmi ortadi. 

Qadoqlangan salat yoki muzlatilgan meva-sabzavot singari iste’molga tayyor foydali mahsulotlar Shimoliy Amerika iste’molchilari orasida avvalgidek yuqori talabgir bo‘lishda davom etadi.

Eng yuqor o‘sish sur’ati Osiyo-Tinch okeani mintaqasida kuzatiladi, bu mintaqada xarid qobiliyati oshgan, shuningdek, urbanizatsiya, faollik va ovqatlanish bilan bog‘liq odatlar o‘zgarib bormoqda.  

Ushbu omillarning bari qayta ishlangan meva-sabzavotlarga talab oshishida turtki bo‘ladi. Va tabiiyki, ularning savdo-sotig‘i ham o‘sadi.

Avvalroq O‘zbekiston 2022-yilda gilos eksporti bo‘yicha Ispaniyani ortda qoldirib, dunyoda to‘rtinchi o‘rinni egallagani haqida xabar berilgan edi.