Qo‘qon shahriga turkiy davlatlardan nomdor fotograflar taklif etiladi va “Qo‘qon turkiy fotosuratchilar obyektivida” rukni ostida ko‘rgazma va yosh fotograflar uchun mahorat darslari tashkil etiladi. Bu haqda Madaniy meros agentligi “Daryo”ga ma’lum qildi.
Ushbu tashabbus Qo‘qon shahri “Turkiy dunyoning turizm poytaxti” maqomini olgani munosabati bilan prezidentning 2022-yil 29-iyuldagi “Turkiy davlatlar bilan turizm sohasidagi hamkorlikni jadal rivojlantirish chora-tadbirlari to‘g‘risida”gi qaroriga ko‘ra amalga oshirilmoqda.
O‘zbekiston bo‘ylab ijodiy safarda qatnashish uchun Turkiy davlatlar tashkilotiga a’zo mamlakatlar (Ozarbayjon, Qozog‘iston, Qirg‘iziston, Turkiya, O‘zbekiston) va kuzatuvchi davlatlardan (Vengriya, Turkmaniston) ikki nafardan taniqli ijodkor taklif etiladi. Ushbu press-tur 2022-yil oktabr oyining birinchi dekadasida o‘tkazilishi rejalashtirilgan.
Izoh (0)