Toshkentdagi hovli MIB tomonidan qariyb 7 mlrd so‘mga auksionga qo‘yildi

Toshkent shahar, Mirzo Ulug‘bek tumani, Mirhosilboy ko‘chasidagi hovli kimoshdi savdosiga qo‘yildi. Lot ma’lumotlari E-auksion portalida e’lon qilingan.

Lot auksionga jinoyat ishlari bo‘yicha sud hukmi bilan Yashnobod tumani MIB tomonidan joylashtirilgan. 2014-yilda qurilgan ushbu 2 qavatli uy 8 xonadan iborat.

Yer uchastkasining umumiy maydoni — 0,8 gektar. Binoning maydoni — 549,3 kvadrat metr. Hovlida gaz, suv, elektr ta’minoti va kanalizatsiya tizimi mavjud.

Auksionga qo‘yilgan hovlining boshlang‘ich bahosi — 6,8 mlrd so‘m. Arizalar 22-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.

Avvalroq auksionga qo‘yilgan eng arzon va eng qimmat avtomobillar ro‘yxati aniqlangani haqida xabar berilgandi.