Тошкентдаги ҳовли МИБ томонидан қарийб 7 млрд сўмга аукционга қўйилди

Тошкент шаҳар, Мирзо Улуғбек тумани, Мирҳосилбой кўчасидаги ҳовли кимошди савдосига қўйилди. Лот маълумотлари E-auksion порталида эълон қилинган.

Лот аукционга жиноят ишлари бўйича суд ҳукми билан Яшнобод тумани МИБ томонидан жойлаштирилган. 2014 йилда қурилган ушбу 2 қаватли уй 8 хонадан иборат.

Ер участкасининг умумий майдони — 0,8 гектар. Бинонинг майдони — 549,3 квадрат метр. Ҳовлида газ, сув, электр таъминоти ва канализация тизими мавжуд.

Аукционга қўйилган ҳовлининг бошланғич баҳоси — 6,8 млрд сўм. Аризалар 22 август 09:00 га қадар қабул қилинади. Савдолар худди шу куни 10:00 да бошланади.

Аввалроқ аукционга қўйилган энг арзон ва энг қиммат автомобиллар рўйхати аниқлангани ҳақида хабар берилганди.