Bugun,

  • USD 11095.31
  • RUB 173.84
  • EUR 10772.44

Namangan viloyatining Chortoq tumanidagi ziyoratgohdan Qur’oni Karimning qo‘lyozma nusxasi o‘g‘irlab ketildi. Bu haqda viloyat IIB matbuot xizmati xabar berdi.

Sulton Uvays Qaroniy ziyoratgohida saqlanayotgan Qur’oni Karimning qo‘lyozma nusxasi.

Sulton Uvays Qaroniy ziyoratgohida saqlanayotgan Qur’oni Karimning qo‘lyozma nusxasi.
Foto: Namangan viloyati hokimligi matbuot xizmati

Ma’lum qilinishicha, 9-avgustdan 10-avgust kuniga o‘tar kechasi soat 00:04 larda noma’lum shaxslar tumandagi “Baliqko‘l” MFYda joylashgan Sulton Uvays Qaroniy ziyoratgohida mavjud bo‘lgan Qur’oni Karim kitobining qo‘lyozma nusxasini o‘g‘irlab, noma’lum tomonga yashiringan.

Mazkur holat Namangan viloyati prokuraturasi hamda viloyat Ichki ishlar boshqarmasi rahbariyati tomonidan nazoratga olinib, Chortoq tumani IIB huzuridagi Tergov bo‘linmasi tomonidan Jinoyat kodeksining 169-moddasi 2-qismi “v”,“g” bandlari bilan jinoyat ishi qo‘zg‘atilgan.

“Hozirda jinoyatni sodir etgan noma’lum shaxslarni qidirib topish yuzasidan tashkil etilgan guruh tomonidan tezkor-qidiruv ishlari olib borilmoqda. Qidiruv ishlarining natijasi bo‘yicha qo‘shimcha ma’lumot taqdim etamiz”, — deyiladi xabarda.

Namangan viloyati hokimligi matbuot xizmati ma’lumotiga ko‘ra, Sulton Uvays Qaroniy ziyoratgohida saqlanayotgan Qur’oni Karimning qo‘lyozma nusxasi hajm jihatdan O‘zbekiston musulmonlari idorasidagi Qur’oni Usmoniydan keyin ikkinchi o‘rinda turadi.

Mazkur qo‘lyozmaning bo‘yi 74, eni 51, qalinligi 12 santimetrni, og‘irligi 21,5 kilogrammni tashkil etadi. Hazrati Mavlono Xoja Lutfulloh Chustiy xonaqohiga tegishli ekani bildirilgan kitob hijriy 1291-yilda (milodiy 1874)  ko‘chirib tugatilgan.

Izoh
Asosiy yangiliklar
Mahalliy
Tan olingan kambagʻallik. Hukumat muammoni qanday hal etmoqchi?
Dunyo
Rossiyada urushga borishdan bosh tortgan mahbuslarga qo‘shimcha jazo muddati bilan tahdid qilinmoqda — OAV
Salomatlik
Buyrakda toshlar, gipertoniya: rivojlanishiga birgina tuz sabab boʻladigan 4 ta xavfli kasallik