Bahmut bir kunda 4 marta o‘qqa tutildi. Rossiya qo‘shinlari shahar tomon yurishda davom etmoqda. Urushning 155-kunidan fotoreportaj
28-iyul kuni Rossiya Bahmut shahriga to‘rtta raketa hujumini uyushtirdi — uch kishi halok bo‘ldi, uch kishi yaralandi, uylar vayron bo‘ldi. Amerika urushni o‘rganish instituti ma’lumotlariga ko‘ra, rus qo‘shinlari ushbu shaharga qarshi hujum uchun to‘plangan. Shu bilan birga, Kiyev viloyati va Nikolayevni o‘qqa tutish davom etmoqda. Meduza urushning 155-kuniga oid asosiy suratlarni taqdim qildi.
Kiyev
Orqa fonda — rus qo‘shinlarining raketa hujumidan ko‘tarilgan tutun. Kiyev viloyatining Vishgorodskiy tumani hujumga uchradi. Viloyat politsiyasi boshlig‘i Andrey Nebytovning so‘zlariga ko‘ra, “infratuzilma obyekti” o‘qqa tutilgan. Kamida 15 kishi jarohatlangan.Foto: AP Photo
Nikolayev
Nikolayevlik kishi Rossiya qo‘shinlarining raketa hujumidan shikastlangan maktab binosi yaqinida. Otishma oqibatida shahardagi ombor binosi vayron bo‘ldi, qo‘riqchi yaralandi.Foto: Reuters
Donbass shimoli
Bahmutlik kishi ko‘chada ovqat pishirmoqda. U elektr va gaz bo‘lmasa-da, o‘z shahrida qolishga qaror qilgan, lekin uyining podvaliga ko‘chib o‘tgan.Foto: AFP
Baxmutda yashovchi ayol singan deraza romini ko‘tarib ketmoqda — uning uyi yoniga rus raketasi qulagan. 28-iyul kuni Rossiya harbiylari shaharni bir kunda to‘rt marta o‘qqa tutdi. Uch kishi halok bo‘lgani va uch kishi yaralangani aytilmoqda. Shuningdek, oltita ko‘p qavatli uy va oltita xususiy uy zarar ko‘rgan.Foto: AFP
Rossiyaning o‘qqa tutishi oqibatida halok bo‘lgan erkak. Urushni o‘rganish bo‘yicha Amerika instituti yozishicha, sharqiy yo‘nalishda rus qo‘shinlari Severskni egallashga bo‘lgan urinishlarning intensivligini kamaytirib, Baxmutga hujum uchun yig‘ilgan bo‘lishi mumkin.Foto: Anadolu
Bahmutda halok bo‘lgan tinch aholi vakiliFoto: Anadolu
O‘t o‘chiruvchilar o‘qqa tutilgan uydagi yong‘inni o‘chirmoqda. 28-iyul kuni Rossiya Mudofaa vazirligi xabarida aytilishicha, raketa hujumining nishoni 72-mexanizatsiyalashgan brigada batalyoni vaqtincha joylashtirilgan nuqta bo‘lgan. Rossiya rasmiylariga ko‘ra, shaxsiy tarkibda 70 ga yaqin odam halok bo‘lgan, beshdan ortiq zirhli texnika yo‘q qilingan. Rossiya Mudofaa vazirligi qurbonlar orasida qancha tinch aholi borligi haqida ma’lumot bermadi.Foto: Anadolu
Ukraina Davlat favqulodda xizmati xodimi Bahmutdagi bomba qoldiqlarini tekshirmoqda.Foto: Anadolu
Izoh (0)