Samarqand viloyati Bulung‘ur tumanida oltin metall qotishmalarini olib ketayotgan avtoulov to‘xtatib qolindi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Bosh prokuratura huzuridagi departamentning Bulung‘ur tumani bo‘limi tomonidan DXX va IIB xodimlari bilan hamkorlikda tezkor tadbir o‘tkazilgan. Unda tuman hududidagi “Yuqori nuqta” YPX maskanida Hyundai Elantra rusumli avtotransport vositasi to‘xtatilib ko‘zdan kechirilganda haydovchi N.M. jami og‘irligi 1 kilogramm 100 gramm bo‘lgan, umumiy bahosi 703,9 million so‘mlik 10 dona oltin metall qotishmasini Toshkent shahriga o‘tkazish maqsadida olib ketayotgani aniqlanib, ular ashyoviy dalil sifatida olingan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)