Buxoro shahrida respublikada faoliyati taqiqlangan “Nurchilar” diniy ekstremistik tashkiloti a’zosi faoliyatiga chek qo‘yildi. Bu haqda viloyat ichki ishlar boshqarmasi xabar qildi.
Jumladan, 1975-yilda Buxoro shahrida tug‘ilgan To‘xtamurodov Bobir Baratovich “Nurchilar” DET a’zosi bo‘lib, ushbu tashkilot safida faoliyat olib borgan. B.To‘xtamurodov iqtidorli yoshlarni “Nurchilar” safiga jalb qilish, ularni respublikadagi demokratik boshqaruvga qarshi tarbiyalash, shuningdek, tashkilotga taalluqli bo‘lgan ekstremistik g‘oyalar bilan yo‘g‘rilgan materiallar va adabiyotlarni tarqatish bilan shug‘ullanib kelgan.
2010—2011-yillarda bir nechta jinoiy sheriklari hibsga olingach, B.To‘xtamurodov jinoiy javobgarlikdan qutulish maqsadida Rossiyaga chiqib ketgan va Novosibirsk shahrida jinoiy faoliyatini davom ettirgan. Ko‘rilgan qidiruv chora-tadbirlari natijasida u mamlakatga olib kelingan.
Sud hukmi bilan B.To‘xtamurodov Jinoyat kodeksining bir qator moddalari bilan aybdor deb topilib, 5 yil muddatga ozodlikdan mahrum qilish jazosiga hukm qilindi.
Izoh (0)