Бухоро шаҳрида республикада фаолияти тақиқланган «Нурчилар» диний экстремистик ташкилоти аъзоси фаолиятига чек қўйилди. Бу ҳақда вилоят ички ишлар бошқармаси хабар қилди.
Жумладан, 1975 йилда Бухоро шаҳрида туғилган Тўхтамуродов Бобир Баратович «Нурчилар» ДЕТ аъзоси бўлиб, ушбу ташкилот сафида фаолият олиб борган. Б.Тўхтамуродов иқтидорли ёшларни «Нурчилар» сафига жалб қилиш, уларни республикадаги демократик бошқарувга қарши тарбиялаш, шунингдек, ташкилотга тааллуқли бўлган экстремистик ғоялар билан йўғрилган материаллар ва адабиётларни тарқатиш билан шуғулланиб келган.
2010—2011 йилларда бир нечта жиноий шериклари ҳибсга олингач, Б.Тўхтамуродов жиноий жавобгарликдан қутулиш мақсадида Россияга чиқиб кетган ва Новосибирск шаҳрида жиноий фаолиятини давом эттирган. Кўрилган қидирув чора-тадбирлари натижасида у мамлакатга олиб келинган.
Суд ҳукми билан Б.Тўхтамуродов Жиноят кодексининг бир қатор моддалари билан айбдор деб топилиб, 5 йил муддатга озодликдан маҳрум қилиш жазосига ҳукм қилинди.
Изоҳ (0)