O‘zbekistonda 2022/2023-o‘quv yili uchun ro‘yxatdan o‘tgan abituriyentlar soni 500 ming nafardan oshdi

Davlat test markazi 11-iyul holatiga ko‘ra 2022/2023-o‘quv yili uchun ro‘yxatdan o‘tgan abituriyentlar soni haqida ma’lumot berdi.

Qayd etilishicha, my.dtm.uz saytida ro‘yxatdan o‘tgan (telefon raqamini avtorizatsiyadan o‘tkazgan) abituriyentlar soni — 532 035 nafarga yetgan. Shundan:

• ta’lim yo‘nalishlarini tanlaganlar: 372 044 nafar (70 foiz);
• ta’lim yo‘nalishlarini tanlamaganlar: 159 991 nafar (30 foiz).

Tugatgan ta’lim muassasasi ma’lumotlarini kiritganlar — 344 810 nafar. Shundan:

• 185 057 nafari — joriy yil bitiruvchilari;
• 159 753 nafari — avvalgi yillar bitiruvchilari.

Ta’lim yo‘nalishlarini tanlagan abituriyentlarning doimiy yashash hududi bo‘yicha taqsimoti:

• Samarqand viloyati — 45 907 nafar;
• Toshkent viloyati — 41 268 nafar;
• Qashqadaryo viloyati — 39 237 nafar;
• Farg‘ona viloyati — 35 746 nafar;
• Andijon viloyati — 29 291 nafar;
• Toshkent shahri — 27 729 nafar;
• Surxondaryo viloyati — 27 475 nafar;
• Namangan viloyati — 23 184 nafar;
• Buxoro viloyati — 22 129 nafar;
• Jizzax viloyati — 19 756 nafar;
• Xorazm viloyati — 18 800 nafar;
• Navoiy viloyati — 16 790 nafar;
• Sirdaryo viloyati — 14 272 nafar;
• Qoraqalpog‘iston Respublikasi — 10 460 nafar.