Bi1 хусусий савдо белгилари остида ишлаб чиқарилаётган маҳсулотларнинг экспортини бошлади. Экспорт учун биринчи манзил сифатида Тожикистон танланди. Хусусий савдо белгиси остида ишлаб чиқарилган маҳсулотлар Auchan ва bi1 дўконларида сотилади.
Бугунги кунда машҳур Schiever компанияси дунёнинг тўртта мамлакатида (Франция, Польша, Тожикистон, Ўзбекистон) фаолият олиб бормоқда. Ўзбекистонда компания ўз фаолиятини 2021 йилда bi1 бренди остида бошлаган. Бугунги кунга қадар Тошкент шаҳрида компаниянинг 8 та дўкони очилган. Тармоқ дўконларида маҳсулотларнинг кенг ассортиментини учратишингиз мумкин.
Дўконлар тармоғининг алоҳида хусусиятларидан бири сифатида Ўзбекистон учун махсус яратилган, хусусий савдо белгилари остида ишлаб чиқарилган маҳсулотларни кўрсатиб ўтишимиз мумкин. Бугунги кунда bi1 дўконларида ушбу савдо белгилари остида ишлаб чиқарилган 900 га яқин товарларни топишингиз мумкин. Дўкон пештахталаридаги маҳсулотларнинг барчаси 3 босқичли сифат назоратидан ўтади (дегустация, лаборатория синовлари ва ишлаб чиқариш аудитлари).
Компания турли тоифадаги маҳсулотларни ишлаб чиқариш учун маҳаллий корхоналарни жалб қилади, хусусий савдо белгилари остида маҳсулот ишлаб чиқариш жараёнини йўлга қўйишга кўмаклашади ва ҳар бир маҳсулот сифатини доимий равишда текшириб боради. Bi1 дўконлар тармоғида хусусий савдо белгиларини яратиш ва ривожлантириш билан Россиядаги Auchan тармоғининг маҳсулотларни харид қилиш бўлими раҳбари сифатида 9 йиллик тажрибага эга Ольга Кондратева шуғулланади.
Маҳаллий ишлаб чиқарувчиларни ривожлантириш билан бир қаторда, маҳсулотларни экспорт қилиш борасида ҳам ишлар олиб борилаётгани ҳам эътиборга лойиқ. Бу компания ривожи ҳамда Ўзбекистоннинг экспорт салоҳиятини оширишда катта қадам.
Таъкидлаб ўтиш лозимки, Ўзбекистонда чакана савдо тарихида илк маротаба хусусий савдо белгилари остида ишлаб чиқарилган маҳсулотларнинг бундай йирик экспорти амалга оширилди. Тожикистонга бир вақтнинг ўзида 340 номдаги 90 минг дона маҳсулот жўнатилди. Экспортга юборилган барча маҳсулотлар 60 дан ортиқ маҳаллий корхона томонидан ишлаб чиқарилган. Ўзбекистоннинг кўплаб ишлаб чиқарувчилари орасидан энг яхшилари танлаб олинди.
«Ўзбекистонда хусусий савдо белгилари остида ишлаб чиқарилган маҳсулотлар сифати, нархи ва шу каби жиҳатлари билан оз муддат ичида маҳаллий аҳолининг меҳрини қозона олди. Шу сабабли биз маҳсулотларни экспортга чиқаришни мақсад қилдик. Бугунги кунда жамоамизнинг самарали меҳнати натижасида ушбу мақсадимизга эришдик. Энди ўзбекистонлик тадбиркорлар томонидан ишлаб чиқарилган маҳсулотлар Тожикистондаги дўкон ва супермаркетларнинг пештахталарини безайди. Ўйлайманки, келажакда биз Ўзбекистонда ишлаб чиқарилган маҳсулотларни бошқа мамлакатларга ҳам экпорт қила оламиз, чунки Ўзбекистонда бу учун барча имкониятлар мавжуд», — деб фикр билдирди Schiever компанияси президенти Венсан Пик.
Ўзбекистонда ишлаб чиқарилган 10 та хусусий савдо белгиси остидаги маҳсулотлар Тожикистондаги bi1 ва Auchan дўконларида сотилади. Экспорт қилинаётган маҳсулотларга мувофиқлик сертификати олинган. Ҳар бир маҳсулотнинг ёрлиғида ўзбек, рус ва тожик тилларида маълумотлар кўрсатилган. Кейинги етказиб беришда эса барра маҳсулотлар ва ритейл соҳаси учун зарур бўлган ускуналарни ҳам юбориш режалаштирилган.
Яқин келажакда хусусий савдо белгилари остида доимий равишда янги маҳсулотлар чиқарилаётгани ва маҳсулотларнинг умумий рўйхати 1 000 номга етишини ҳисобга олиб, экспорт йўналишини ривожлантириш режалаштирилган. Компания вакилларининг таъкидлашича, келажакда экспорт учун маҳсулотларни ишлаб чиқаришда bi1 билан ҳамкорликни йўлга қўйган маҳаллий ишлаб чиқарувчиларнинг барчаси иштирок этади.
Компания фаолиятининг ушбу йўналиши Ўзбекистон ва Тожикистон ўртасидаги ҳамкорлик алоқаларини мустаҳкамлашга қаратилган бўлиб, маҳаллий ишлаб чиқарувчиларга халқаро бозорга чиқиш, ишлаб чиқариш имкониятларини кенгайтириш ва Ўзбекистон товарларини бошқа мамлакатлардаги харидорларга таништириш имконини беради.
Bi1 дўконларининг манзилларини билан танишиш учун ҳаволадан фойдаланинг: t.me/bi1_locations.
Call-марказининг телефон рақами: +99878 120 02 20
Facebook: fb.com/bi1.uz
Instagram: bi1.uz
Реклама ҳуқуқи асосида.
Изоҳ (0)